24-31 აგვისტოს, ნიკო ბერძენიშვილის ინსტიტუტის დირექტორი, მთავრი მეცნიერ თანამშრომელი როინ მალაყმაძე, ეთნოლოგიისა და სოციოლოგიური კვლევის განყოფილების უფროსი, ისტორიის დოქტორი თამილა ლომთათიძე, ეთნოლოგიისა და სოციოლოგიური კვლევის განყოფილების უფროსი მეცნიერ თანამშრომელი, ისტორიის დოქტორი ნაილა ჩელებაძე, ფოლკლორის, დიალექტოლოგიისა და ემიგრანტული ლიტერატურის კვლევის განყოფილების უფროსი ელზა ფუტკარაძე, ისტორიისა და არქეოლოგიის განყოფილების უფროსი მეცნიერი თანამშრომელი მაია ჭიჭილეიშვილი მიზნობრივ სამეცნიერო-კვლევითი პროექტის ფარგლებში სამეცნიერო ექსპედიციაში იმყოფებოდნენ თურქეთის რესპუბლიკაში. მკვლევართა ჯგუფი მუშაობს თემაზე: „დევსქელის ხეობის ეთნოკულტურული შესწავლა“ (სამეცნიერო ხელმძღვანელი როინ მალაყმაძე).

11-18 აგვისტოს ნიკო ბერძენიშვილის ინსტიტუტის დირექტორმა როინ მალაყმაძემ მონაწილეობა მიიღო გაეროს განვითარების ფონდისა (UNDP) და ჩეხეთის მთავრობის მიერ ორგანიზებულ სასწავლო-პრაქტიკულ ტურში. ღონისძიების მიზანი იყო ჩეხეთისა და ავსტრიის მაგალითზე დაცული ტერიტორიების მართვის სისტემის, დაცულ ტერიტორიებში კულტურულ-ისტორიული ღირებულებების კვლევის, შეფასების, დაცვის და წარმოჩენის მეთოდების გაცნობა. ტურის ფარგლებში გაიმართა შეხვედრები ჩეხეთის რესპუბლიკის გარემოსდაცვითი სამინისტროს და საგანმანათლებლო სტრუქტურების წარმომადგენლობასთან. ასევე შედგა პრეზენტაციები და დისკუსიები სხვადასხვა თემაზე, მოეწყო საველე გასვლები და განისაზღვრა სამომავლო თანამშრომლობის მიმართულებები სამეცნიერო დაწესებულებებთან.

ნიკო ბერძენიშვილის ინსტიტუტის დირექტორმა, მთავარმა მეცნიერ თანამშრომელი როინ მალაყმაძე და ეთნოლოგიისა და სოციოლოგიური კვლევის განყოფილების მეცნიერ თანამშრომელი ჯემალ მიქელაძე 1-5 აგვისტოს სამეცნიერო მივლინებით იმყოფებოდნენ ხულოს მუნიციპალიტეტში. მკვლევარებმა ველზე მუშაობის პერიოდში შეკრებეს მასალა ალპურ მესაქონლეობასთან და ხალხურ დღესასწაულებთან დაკავშირებით. ასევე შეხვდნენ მემთეურებს, დაესწრნენ სახალხო დღესასწაულს „შუამთობას“ და გადაიღეს გოდერძისა და ბეშუმის ალპური დასახლებების, ჯარგვალური ტიპის საცხოვრებელი ნაგებობები.

24 მაისს, 15:00 საათზე, 55-ე აუდიტორიაში გაიმართება აჭარის განათლების. კულტურის და სპორტის სამინისტროს უმაღლესი განათლების დახმარების პროგრამის ფარგლებში თარგმნილი და გამოცემული წიგნის “მცირე ადგილები, ვრცელი საკითხები” (შესავალი სოციალურ და კულტურულ ანთროპოლოგიაში) ქართულენოვანი გამოცემის პრეზენტაცია და ლექცია თემაზე: “რატომ არის ანთროპოლოგია მნიშვნელოვანი დღეს, ვიდრე ოდესმე”, მომხსენებელი ოსლოს უნივერსიტეტის პროფ. თომას ჰილანდ ერიქსენი.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის უფროსმა მეცნიერმა თანამშრომელმა ნაილა ჩელებაძემ 4-5 მაისს ქედის მუნციპალიტეტის მცხოვრებთათვის საჯარო ლექცია ჩაატარა თემაზე: „ქედის მუნციპალიტეტის ეკო-ტურისტული მარშრუტები“. ღონისძიება პროექტის „მდგრადი შემოსავლის მიღების უზრუნველყოფა აჭარის ეროვნული პარკების მხარდამჭერი ზონების თემებისთვის ეკო-ტურიზმის განვითარების გზით” ფარგლებში ჩატარდა. პროგრამა მიზნად ისახავდა აჭარის ეროვნული პარკებთან ახლოს მაცხოვრებელ თემების სოციალურ-ეკონომიკური განვითარების შესაძლებლობების მხარდაჭერას და დაგეგმვისა და გადაწყვეტილებების მიღების პროცესში ადგილობრივი მოსახლეობის მონაწილეობის სტიმულირებას.