განცხადებები

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ცნობილი ექიმის, ბსუ-ს ქირურგიის დეპარტამენტის ემერიტუს-პროფესორის, ათასობით ადამიანის სიცოცხლის გადამრჩენის, მეცნიერისა და მრავალი თაობის აღმზრდელის, მედიცინის მეცნიერებათა დოქტორის, აკაკი ბერიძის გარდაცვალების გამო. დიდია ბატონი აკაკის ღვაწლი ქართული მედიცინის და სამედიცინო სკოლის განვითარების საქმეში, მის სახელს უკავშირდება უნივერსიტეტში სამედიცინო ფაკულტეტის ჩამოყალიბება და მედიცინის სხვადასხვა მიმართულების პროგრამების განხორციელება. დღესაც, მედიცინა წარმოადგენს ერთ-ერთ მოთხოვნად სპეციალობას და ყოველწლიურად მაღალი კონკურენციის პირობებში კომპლექტდება.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ბათუმში მომხდარი ტრაგედიის გამო, რომელსაც ორი არასრულწლოვანის სიცოცხლე ემსხვერპლა. ეს უმძიმესი დანაკარგია, რომელმაც მთელი საზოგადოება შეძრა. გულწრფელ სამძიმარს ვუცხადებთ გარდაცვლილთა ოჯახებს, ახლობლებსა და სრულიად საქართველოს.

გამოცხადდა მსმენელთა მიღება ბსუ-ს 66-საათიან ტრენინგ-მოდულზე „აღმზრდელ-პედაგოგთა პროფესიული განვითარება“ (ტრენინგ-მოდულის შესახებ ინფორმაცია იხ. ელექტრონულ მისამართზე https://bsu.edu.ge/sub-54/page/16832/index.html).