ბათუმის შოთა რუსთაველის სახელმწიფო უნივერსიტეტში პროფესიულ საგანმანათლებლო პროგრამებზე სასწავლო პროცესი დაიწყო. სტუდენტებს სწავლის დაწყება ბსუ-ს რექტორის მოადგილემ თამარ სირაძემ და პროფესიული პროგრამების მართვის და უწყვეტი განათლების ცენტრის დირექტორმა მადონა მიქელაძემ მიულოცეს. მათ ისაუბრეს პროფესიული განათლების მნიშვნელობასა და ბსუ-ს მიერ შეთავაზებულ სიახლეებსა და შესაძლებლობებზე, რომლებიც სტუდენტების კარიერულ განვითარებას ემსახურება. ასევე სიტყვით გამოვიდნენ ბათუმის რეფერალური ჰოსპიტალის სამედიცინო დირექტორი, ბსუ-ს პროფესიული საგანმანათლებლო პროგრამის „საექთნო განათლება" ხელმძღვანელი თამარ მხატვარი და ბათუმის რეფერალური ჰოსპიტალის მთავარი მედდა, ამავე პროგრამის ხელმძღვანელი ინგა კილტავა. ღონისძიებას დამსაქმებლები, სტუდენტები, პროფესორ-მასწავლებლები და კურსდამთავრებულები ესწრებოდნენ.

ბათუმის შოთა რუსთაველის სახელმწიფო უნივერსიტეტი პროფესიული უნარების სააგენტოს მიერ გამოცხადებული არაფორმალური საგანმანათლებლო კურსების შემუშავების საგრანტო კონკურსის გამარჯვებულია და არაფორმალური საგანმანათლებლო კურსის “უწყვეტი პერსონალური და პროფესიული განვითარების სტრატეგიები” განხორციელების უფლება მოიპოვა.

ბსუ-ს პროფესიული პროგრამების მართვისა და უწყვეტი განათლების ცენტრში ჩატარდა პროფესორ თამარ გაგოშიძის საჯარო ლექცია თემაზე: „ქცევის, სტრესის და ემოციის მართვის სტრატეგიები სამოქალაქო საზოგადოებაში“.
ბსუ უზრუნველყოფს დამატებითი აქტივობების წახალისებას და აღნიშნული შეხვედრაც გაიმართა პროფესიული საგანმანათლებლო პროგრამის „აღმზრდელი“ პროფესიული სტუდენტების ინიციატივის მხარდაჭერის მიზნით.
ლექცია წარიმართა კითხვა-პასუხის რეჟიმში და განხილული იქნა საზოგადოებისთვის აქტუალური საკითხები.

ბათუმის შოთა რუსთაველის სახელმწიფო უნივერსიტეტში პროფესიული საგანმანათლებლო პროგრამების 2024 წლის კურსდამთავრებულთა გამოშვების საზეიმო ცერემონია გაიმართა. კურსდამთავრებულებს სწავლის დასრულება მიულოცეს და წარმატებები უსურვეს ბსუ-ს რექტორის მოადგილემ თამარ სირაძემ, ბსუ-ს პროფესიული პროგრამების მართვის და უწყვეტი განათლების ცენტრის დირექტორმა მადონა მიქელაძემ, ბსუ-ს პროფესიული განათლების მასწავლებელებმა მამუკა თურმანიძემ, ნათია ტაკიძემ, კურსდამთავრებულებმა ნინო ცინცაძემ და დარიკო ფარტენაძემ. გამოშვების საზეიმო ცერემონიაზე ყველა კურსდამთავრებულს, პარტნიორი დაწესებულებებსა და პროფესორ-მასწავლებლებს სიგელები გადაეცა.