ბათუმის შოთა რუსთაველის სახელმწიფო უნივერსიტეტის პროფესიული საგანმანათლებლო პროგრამის სტუდენტი, მარიამ ჩხაიძე პროფესიული განათლების ეროვნული ჯილდოს გამარჯვებულია. მარიამმა ეროვნული ჯილდო ნომინაციაში - „წლის პროფესიული განათლების სტუდენტი” მოიპოვა.
28 იანვარსა და 1-ელ თებერვალს ორ ეტაპად ჩატარდა ტრენინგი თემაზე: "სწავლება და შეფასება პროფესიულ განათლებაში", რომლის მიზანია პროფესიული განათლების მასწავლებლების პედაგოგიური უნარების განვითარება და სასწავლო პროცესის ხარისხის გაუმჯობესება.ტრენინგის ფარგლებში, დამწყები პროფესიული მასწავლებლები გაეცნენ თანამედროვე სწავლების და შეფასების მეთოდებს, გაიღრმავეს თეორიული ცოდნა და პრაქტიკული დავალებების მეშვეობით განივითარეს უნარ-ჩვევები.
ბსუ-ში წარმატებით ხორციელდება პროფესიული გადამზადების პროგრამა „მცენარეთა ინტეგრირებული დაცვა“. სამთვიანი პროგრამის მეორე ნაკადში გადამზადდა 14 მსმენელი, რომლებმაც მიიღეს თეორიული და პრაქტიკული სწავლება რეგიონში კონკრეტულ აგრარულ კულტურებში გავრცელებული ყველა დაავადებისა და მავნებლის, მათი მართვისა და პრევენციის შესახებ. პროგრამა განკუთვნილია დარგში ჩართული პირებისათვის, არსებული სპეციალისტებისა და ფერმერებისათვის.
ბსუ-ში წარმატებით ხორციელდება არაფორმალური საგანმანათლებლო კურსი “უწყვეტი პერსონალური და პროფესიული განვითარების სტრატეგიები”. აღნიშნული კურსის განხორციელების უფლება ბსუ-მ პროფესიული უნარების სააგენტოს მიერ გამოცხადებული არაფორმალური საგანმანათლებლო კურსების შემუშავების საგრანტო კონკურსში გამარჯვების შედეგად მოიპოვა.
პროფესიული განათლების ინტერნაციონალიზაციის ფარგლებში, სოფლის მეურნეობის მიმართულების პედაგოგები გერმანიას ესტუმრნენ. მათ შორის იყო ბსუ-ს პროფესიული განათლების მასწავლებელი ჯიმშერ დიასამიძე. პროფესიული განათლების მასწავლებლები საერთაშორისო ვიზიტით იმყოფებოდნენ ვაინშტეფანის გამოყენებითი მეცნიერებების უნივერსიტეტში, ტრისდორტფში. ვიზიტის ფარგლებში მოინახულეს უნივერსიტეტის სტრუქტურაში შემავალი პროფესიული განათლების მატერიალურ-ტექნიკური ბაზა, შეხვდნენ პროფესიული კოლეჯის დირექტორსა და მასწავლებლებს, დაესწრნენ სასწავლო პროცესს და გამართეს დისკუსიები გერმანელ კოლეგებთან.
