ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერ თანამშრომელმა ნარგიზ ახვლედიანმა მონაწილეობა მიიღო საერთაშორისო კონფერენციაში. 20 სექტემბერი-ოქტომბერს, კორეის რესპუბლიკაში, ქალაქ ჩხონანში გამართულ ლინგვისტთა X საერთაშორისო ფორუმში მკვლევარმა მოხსენება წარადგინა თემაზე: „კვლევ ერთი ტოპონიმის ეტიმოლოგიისათვის ბათუმის შემოგარენში“. 30 სექტემბერი - 9 ოქტომბერს, და იაპონიაში, ქალაქ კიოტოში, სანგიოს უნივერსიტეტში ჩატარებულ II საერთაშორისო კონგრესში: „რეალურ და ვირტუალურ რეჟიმში აღმოსავლეთი-დასავლეთი: კულტურათა გადაკვეთა“ ნაშრომი „ძველი წელთაღრიცხვის მეორე ათასწლეულის კოლხეთის ძეგლების ინტერდისციპლინური კვლევა: ლინგვისტურ-არქეოლოგიური ანალიზი“ წაიკითხა.

ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერ თანამშრომელმა ნარგიზ ახვლედიანმა მონაწილეობა მიიღო 26-28 სექტემბერს, თბილისში გამართულ საერთაშორისო სამეცნიერო კონფერენციაში: „არქივთმცოდნეობა–ტენდენციები და გამოწვევები – 2019“. მკვლევარმა სამეცნიერო სესიაზე მოხსენება თემაზე: „მცენარის სახელდების მოტივაცია ერთ-ერთი უძველესი ტოპონიმის ფორმირებაში და მისი არქეოლოგიური კონტექსტი“.

15-21 სექტემბერს, კონსტანცას ოვიდიუსის უნივერსიტეტში რუმინეთის ეროვნული მეცნიერებათა აკადემიის, კონსტანცას ოვიდიუსის უნივერსიტეტის მონოთეისტური რელიგიის შემსწავლელი ცენტრებისა და ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ორგანიზებით ერთობლივი საერთაშორისო სამეცნიერო კონფერენცია „მატერიალური და სულიერი კულტურა რუმინეთსა და საქართველოში I ათასწლეულში“ გაიმართა. სამეცნიეროს სესიაში მონაწილეობა მონაწილოება მიიღეს ინსტიტუტის დირექტორმა როინ მალაყმაძემ და ისტორიისა და არქეოლოგიის განყოფილების მეცნიერ-თანამშრომელი სულხან მამულაძემ. მკვლევარებმა კონფერენციაზე წარადგინეს მოხსენებები: „პაგანიზაციის ელემენტები ადრეული ქრისტიანობის ხანის საქართველოში (მსხვერპლშეწირვა)“ და „სერაპისის კულტი რომაული პერიოდის გონიო-აფსაროსში“.

24-31 აგვისტოს, ნიკო ბერძენიშვილის ინსტიტუტის დირექტორი, მთავრი მეცნიერ თანამშრომელი როინ მალაყმაძე, ეთნოლოგიისა და სოციოლოგიური კვლევის განყოფილების უფროსი, ისტორიის დოქტორი თამილა ლომთათიძე, ეთნოლოგიისა და სოციოლოგიური კვლევის განყოფილების უფროსი მეცნიერ თანამშრომელი, ისტორიის დოქტორი ნაილა ჩელებაძე, ფოლკლორის, დიალექტოლოგიისა და ემიგრანტული ლიტერატურის კვლევის განყოფილების უფროსი ელზა ფუტკარაძე, ისტორიისა და არქეოლოგიის განყოფილების უფროსი მეცნიერი თანამშრომელი მაია ჭიჭილეიშვილი მიზნობრივ სამეცნიერო-კვლევითი პროექტის ფარგლებში სამეცნიერო ექსპედიციაში იმყოფებოდნენ თურქეთის რესპუბლიკაში. მკვლევართა ჯგუფი მუშაობს თემაზე: „დევსქელის ხეობის ეთნოკულტურული შესწავლა“ (სამეცნიერო ხელმძღვანელი როინ მალაყმაძე).

11-18 აგვისტოს ნიკო ბერძენიშვილის ინსტიტუტის დირექტორმა როინ მალაყმაძემ მონაწილეობა მიიღო გაეროს განვითარების ფონდისა (UNDP) და ჩეხეთის მთავრობის მიერ ორგანიზებულ სასწავლო-პრაქტიკულ ტურში. ღონისძიების მიზანი იყო ჩეხეთისა და ავსტრიის მაგალითზე დაცული ტერიტორიების მართვის სისტემის, დაცულ ტერიტორიებში კულტურულ-ისტორიული ღირებულებების კვლევის, შეფასების, დაცვის და წარმოჩენის მეთოდების გაცნობა. ტურის ფარგლებში გაიმართა შეხვედრები ჩეხეთის რესპუბლიკის გარემოსდაცვითი სამინისტროს და საგანმანათლებლო სტრუქტურების წარმომადგენლობასთან. ასევე შედგა პრეზენტაციები და დისკუსიები სხვადასხვა თემაზე, მოეწყო საველე გასვლები და განისაზღვრა სამომავლო თანამშრომლობის მიმართულებები სამეცნიერო დაწესებულებებთან.