გამოცხადდა "ერაზმუს+"-ის გაცვლითი პროგრამის კონკურსი PEERS პროექტის (პორტუგალია) ფარგლებში, რომელშიც ჩართულია საქართველოს 7 უნივერსიტეტი. ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს საშუალება ეძლევათ მონაწილეობა მიიღონ პორტუგალიის 3 უნივერსიტეტის მიერ გამოცხადებულ კონკურსში. განაცხადები მიიღება ელექტრონულად მიმღებ უნივერსიტეტებში პირდაპირი წესით.

„ერაზმუს+"-ის გაცვლითი პროგრამის მონაწილე სტუდენტთა კონკურსის შედეგები იხილეთ მიმაგრებული ფაილის სახით.

აჭარის ა.რ. განათლებისა და სპორტის სამინისტროს მიერ დაფინანსებული (საბაკალავრო პროგრამა) გაცვლითი პროგრამის მონაწილე სტუდენტთა კონკურსის შედეგები

„ერაზმუს+"-ის გაცვლითი პროგრამის აკადემიური პერსონალის კონკურსის შედეგები იხილეთ მიმაგრებული ფაილის სახით.

ბსუ-ს საერთაშორისო გაცვლით პროგრამებში (ერაზმუს+, აჭარის ა.რ. ავტონომიური რესპუბლიკის განათლებისა და სპორტის სამინისტროს მიერ დაფინანსებული) მონაწილე კონკურსანტთა ტესტირების შედეგები უცხო ენაში იხილეთ დანართ 1-ში. კონკურსანტებისთვის, ვინც წარმატებით გადალახა მინიმინალური ბარიერი უცხო ენის ტესტირებაში (71 ქულა), კონკურსის შემდეგი ეტაპი - გასაუბრება კონკურსის შესარჩევ კომისიასთან ჩატარდება 14 აპრილს, 10:00 საათიდან, სტრატეგიული განვითარებისა და საერთაშორისო ურთიერთობების დეპარტამენტში, ოთახი N35;

2025 წლის 31 მარტი-4 აპრილი, ბსუ-ს ტექნოლოგიურ ფაკულტეტს საერთაშორისო გაცვლითი პროგრამის ფარგლებში ეწვია პორტუგალიის კასტელო ბრანკოს პოლიტექნიკური უნივერსიტეტის ტექნოლოგიების ფაკულტეტის ელექტრო და ინდუსტრიული ინჟინერიის დეპარტამენტის კოორდინატორი, პროფესორი პედრო ტორესი. ვიზიტის ფარგლებში პროფესორმა ტორესმა ჩაატარა ლექციები, პრაქტიკული სემინარები და სამუშაო შეხვედრები, ასევე გაეცნო ტექნოლოგიურ ფაკულტეტზე მიმდინარე სასწავლო პროცესს, დეკანატისა და დეპარტამენტების მუშაობას, ლაბორატორიებში მიმდინარე სამუშაო პროცესებს.

აშშ-ის ფულბრაიტის გაცვლითი პროგრამის მკვლევართა და ლექტორთა შეხვედრა გაიმართა ბსუ-ს სტუდენტებთან. ღონისძიების ფარგლებში, ამერიკელმა სპეციალისტებმა, რომლებიც ერთი სასწავლო წლით საქართველოს სხვადასხვა უნივერსიტეტში მუშაობენ (სწავლება/კვლევა) სტუდენტებს გააცნეს აშშ-ში სამაგისტრო პროგრამებზე სწავლის და კვლევის შესაძლებლობები: უნივერსიტეტის შერჩევა, დოკუმენტაციის მომზადება, განაცხადის შევსება, დარეგისტრირება და უპასუხეს სტუდენტთა შეკითხვებს.

2025 წლის 31 მარტს ბათუმის შოთა რუსთაველის სახელმწიფო უნივერსიტეტში საერთაშორისო გაცვლითი პროგრამების წარდგენა გაიმართა. ბსუ-ს სტრატეგიული განვითარებისა და საერთაშორისო ურთიერთობების დეპარტამენტის უფროსმა მარინე გიორგაძემ და მთავარმა სპეციალისტმა ნუნუ ჯაფარიძემ საბაკალავრო, სამაგისტრო და სადოქტორო პროგრამების სტუდენტებს 2025-2026 სასწავლო წლის შემოდგომის სემესტრისთვის გამოცხადებული „Erasmus+“, აჭარის ა.რ. განათლების სამინისტროს გაცვლითი პროგრამა („საბაკალავრო პროგრამა“) და სხვა გაცვლითი პროგრამები გააცნეს.