ვროცლავის უნივერსიტეტის ევროპული კვლევების ცენტრი აცხადებს კონკურსს მოკლევადიანი საგანმანათლებლო კურსის „ზოგადი ხედვა, საუკეთესო პრაქტიკა“ მიღებაზე. კურსის ფარგლებში, კონკურსის წესით შერჩეულ მონაწილე ხუთ სტუდენტს ჩაუტარდება ლექციების კურსი ევროინტეგრაციის, თანამედროვე საერთაშორისო პოლიტიკის გამოწვევებისა და სხვა მნიშვნელოვან საკითხებზე. მოკლევადიანი საგანმანათლებლო კურსი, მგზავრობის, განთავსებისა და სხვა ხარჯებს უზრუნველყოფს ვროცლავის უნივერსიტეტი.

პროფესორ ომარ ფარტენაძის ხელმძღვანელობით 2024 წლის 15 ნოემბერს განხორციელდა იურიდიული და სოციალურ მეცნიერებათა ფაკულტეტის სამართალმცოდნეობის სპეციალობის სისხლის სამართლის მიმართულების
მეოთხე კურსის სტუდენტების საინფორმაციო/პრაქტიკული ვიზიტი დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს აჭარისა და გურიის პრობაციის ბიუროში.

2024 წლის 7-8 ნოემბერს, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის პროფესორმა, ჟან მონეს კათედრის (EUCONST) ხელმძღვანელმა, ჟან მონეს მოდულის (TRIO.JOIN.EU) კოორდინატორმა, მალხაზ ნაკაშიძემ მონაწილეობა მიიღო ჟან მონეს კონფერენციის სესიაში „ადამიანის უფლებების პატივისცემის და დავების ალტერნატიული გადაწყვეტის ხელშემწყობი რეგულაციები და სამართლებრივი მექანიზმები ეროვნულ და ევროპულ დონეზე“. სამეცნიერო სესია ჩატარდა სამეცნიერო კონფერენციის „ინტეგრაცია კვლევისა და ინოვაციების მეშვეობით“ ფარგლებში, რომელიც ეძღვნებოდა მეცნიერების საერთაშორისო დღეს მშვიდობისა და განვითარებისთვის და მასპინძლობდა მოლდოვის სახელმწიფო უნივერსიტეტი.

ბათუმის შოთა რუსთაველის სახელმწიფო უნივერსიტეტის პროფესორმა ქეთევან ბერიძემ ჩაატარა შევხვდით სკოლა იუჯის მეექვსე კლასის მოსწავლეებთან. შეხვედრას ესწრებოდა კლასის დამრიგებელი და სკოლის ფსიქოლოგი, ასევე კლინიკური ფსიქოლოგიის მეორე კურსის სტუდენტები ანაბელ თავდგირიძე და ელისაბეთ მამულაძე. საჯარო ლექციაზე ისაუბრეს ბავშვთა მიმართ ძალადობის საკითხებზე, ძალადობის ფორმებზე, ის თუ როგორ უნდა ამოიცნონ მსხვერპლი და როგორ უნდა მოიქცენ ასეთ შემთხვევაში. შეხვედრა იყო ინტერაქტიული, გამოყენებული იყო არა მხოლოდ პრეზენტაცია არამედ პრაქტიკული სავარჯიშოებიც.

ბსუ-ს იურიდიულ და სოციალურ მეცნიერებათა ფაკულტეტის სამართალმცოდნეობის საბაკალავრო საგანმანათლებლო პროგრამის მესამე კურსის სტუდენტებმა: ლუკა ტაკიძემ, იოსებ შავაძემ, ნიკა ფარტენაძემ, სანდრო კიკნაძემ (გუნდი - „პოსეიდონის სამკაპი“) და ამავე საგანმანათლებლო პროგრამის მეოთხე კურსის სტუდენტებმა: ლიკა მელაძემ, მარიამ სურმანიძემ, ქრისტინა მეტრეველმა და დარინა კირკიტაძემ (გუნდი - „თემიდა“) (გუნდების მენტორი ანნა მდინარაძე), 2024 წლის 2 ნოემბერს, მონაწილეობა მიიღეს - „საოჯახო და ბავშვთა სამართალში ჩატარებულ ეროვნულ ოლიმპიადაში“.