ბათუმის შოთა რუსთაველის სახელმწიფო უნივერსიტეტის რექტორი ტიტე აროშიძე გაეროს ბავშვთა ფონდის (UNICEF) წარმომადგენელს საქართველოში იესპერ მოლერს შეხვდა. გაცნობითი ხასიათის შეხვედრაზე, მხარეებმა ბავშვთა უფლებების ცოდნის ცენტრის მიღწევებსა და სამომავლო გეგმებზე ისაუბრეს. შეთანხმდნენ ადრეული განათლებისა და ზრუნვის შესახებ მეოთხე საერთაშორისო კონფერენციის ჩატარებაზე, რომელიც ბათუმის სახელმწიფო უნივერსიტეტში ტრადიციულად საქართველოს განათლების, მეცნიერებისა და სპორტის სამინისტროს, აჭარის ა.რ. განათლების, კულტურისა და სპორტის სამინისტროს, გაეროს ბავშვთა ფონდისა და ბათუმის შოთა რუსთაველის სახელმწიფო უნივერსიტეტის ორგანიზებით იმართება.

ბათუმის შოთა რუსთაველის სახელმწიფო უნივერსიტეტში, ზუსტ მეცნიერებათა და განათლების ფაკულტეტმა, სტუდენტთა კარიერული განვითარების, სპორტისა და კულტურის დეპარტამენტის მხარდაჭერით, ერაზმუს+ პროექტის "პროფესიული განათლებისა და სტუდენტთა ჩართულობის ხელშეწყობა მენტორინგისა და ტუტორინგის ყოვლისმომცველი სისტემის მეშვეობით" ფარგლებში უმასპინძლა ტუტორინგისა და მენტორინგის საპილოტე პროგრამის დასკვნით ღონისძიებას.

ბათუმის შოთა რუსთაველის სახელმწიფო უნივერსიტეტის ფიზიკის ლაბორატორიების გასაცნობად ამერიკული საერთაშორისო აკადემია პროგრესი - ბათუმის მოსწავლეებს ჩაუტარდათ გაცნობითი შეხვედრა და ლექცია, მოსწავლეებმა ფიზიკის ექსპერიმენტებისთვის საჭირო ლაბორატორიული ხელსაწყოები და თავად გამოსცადეს ზოგიერთის მოქმედების პრინციპი.

"პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის ყოვლისმომცველი სისტემის მეშვეობით HEIS-ში" პროექტის ფარგლებში, შეიკრიბა სტუდენტების მცირე ჯგუფი, რომლებმაც იმუშავეს რთული სასწავლო მასალის უკეთ გააზრებაზე. სტუდენტი ტუტორი ეხმარებოდა თანაკურსელებს კომპლექსური კონცეფციების გააზრებაში, მათი მარტივ საფეხურებად დაყოფის გზით. მკაფიო ახსნა-განმარტებებისა და პრაქტიკული სავარჯიშოების მეშვეობით, სტუდენტებმა, რომლებსაც თავდაპირველად უჭირდათ, შეიძინეს როგორც ცოდნა, ასევე თავდაჯერებულობა საგანში.

ბათუმის შოთა რუსთაველის სახელმწიფო უნივერსიტეტში მნიშვნელოვანი ნაბიჯი გადაიდგა ახალგაზრდა პერსონალის პროფესიული განვითარების მიმართულებით. ზუსტ მეცნიერებათა და განათლების ფაკულტეტისა და სტუდენტთა კარიერული განვითარების, სპორტისა და კულტურის დეპარტამენტის მხარდაჭერით, ერაზმუს+ პროექტის ფარგლებში "პროფესიული განათლებისა და სტუდენტთა ჩართულობის ხელშეწყობა მენტორინგისა და ტუტორინგის ყოვლისმომცველი სისტემის მეშვეობით" ჩატარდა ახალგაზრდა ლექტორთა მხარდაჭერის სემინარი.