ბათუმის შოთა რუსთაველის სახელმწიფო უნივერსიტეტი, განათლების, მეცნიერებისა და ახალგაზრდობის სამინისტროს პროექტის „Education In Georgia“ ფარგლებში, სამდღიან საერთაშორისო საგანმანათლებლო გამოფენაში APAIE 2025 მონაწილეობს, რომელიც ინდოეთის დედაქალაქ ნიუ-დელიში იმართება.
საქართველოს მეცნიერებათა ეროვნული აკადემიის აკადემიკოსი, გარემოს დაცვისა და სოფლის მეურნეობის მინისტრის მოადგილე, სოლომონ პავლიაშვილი ბსუ-ს რექტორს, ტიტე აროშიძეს შეხვდა. შეხვედრას ასევე ესწრებოდა აჭარის ა.რ. სოფლის მეურნეობის მინისტრი ზაზა შავაძე.
ბსუ-ს რექტორი, ტიტე აროშიძე ტურიზმის, იურიდიული და სოციალურ მეცნიერებათა და ჰუმანიტარულ მეცნიერებათა ფაკულტეტების პირველკურსელებს შეხვდა. შეხვედრა ინტერაქციულ ფორმატში გაიმართა, სტუდენტებს შესაძლებლობა ჰქონდათ დაესვათ მათთვის მნიშვნელოვანი შეკითხვები და გაეზიარებინათ მოსაზრებები.
საერთაშორისო სამეცნიერო თანამშრომლობა ბათუმის შოთა რუსთაველის სახელმწიფო უნივერსიტეტსა და ფრანკფურტის გოეთეს უნივერსიტეტს შორის გრძელდება. დღეს ბსუ-ში ერთობლივი სამეცნიერო პროექტის „მანიპულაციის ენობრივი საშუალებები თანამედროვე ქართულ პოლიტიკურ დისკურსში“ წარდგენა გაიმართა. პროექტი შოთა რუსთაველის საქართველოს ეროვნული სამეცნიერო ფონდის ფუნდამენტური კვლევების საგრანტო კონკურსის გამარჯვებულია და დაფინანსდა ფონდის მიერ.
ბსუ-ს "რა? სად? როდის?" გაზაფხულის სეზონი დაიწყო. გაზაფხულის სეზონის პირველ ტურში მონაწილეობა მიიღო 41 სტუდენტურმა გუნდმა ყველა ფაკულტეტიდან, 1-მა სასკოლო გუნდმა და 6-მა ლეგიონერთა გუნდმა. პირველ ტურში გათამაშდა ბაკურ ჭელიძის საავტორო პაკეტი. ინტელექტუალური თამაში უნივერსიტეტში ტრადიციულად ყოველ პარასკევს 19:00-საათზე ტარდება.
