ბათუმის შოთა რუსთველის სახელმწიფო უნივერსიტეტის პროფესორებმა და მკვლევრებმა შოთა რუსთაველის საქართველოს ეროვნული სამეცნიერო ფონდის ფუნდამენტური კვლევების სახელმწიფო სამეცნიერო საგრანტო კონკურსში გაიმარჯვეს.
ბათუმის შოთა რუსთაველის სახელმწიფო უნივერსიტეტის აკადემიური საბჭოს გადაწყვეტილებით, საქართველოს მეცნიერებათა ეროვნული აკადემიის აკადემიკოსს, ბსუ-ს ტექნოლოგიური ფაკულტეტის პროფესორ ვანო პაპუნიძეს უმაღლესი საგანმანათლებლო დაწესებულების განვითარებაში შეტანილი წვლილისთვის უნივერსიტეტის საპატიო ჯილდო მიენიჭა. აკადემიური საბჭოს სხდომაზე უნივერსიტეტის რექტორმა ტიტე აროშიძემ ღვაწლმოსილ პროფესორს საიუბილეო თარიღი - 85 წელი მიულოცა და შოთა რუსთაველის სახელობის მედალი გადასცა. აკადემიკოსს საიუბილეო თარიღი მიულოცეს და წარმატებები უსურვეს აკადემიური საბჭოს წევრებმა, კოლეგებმა და ოჯახის წევრებმა.
ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილება თურქმენეთის რესპუბლიკას ეროვნული პარკის დაარსებასა და მენეჯმენტის გეგმის შემუშავებაში დაეხმარება. პროექტი „Partnership for the Benefit of Water-Related Ecosystems“ „წყალთან დაკავშირებული ეკოსისტემების სარგებლობასთან დაკავშირებული თანამშრომლობა“ 2025 წლის აპრილიდან დაიწყება. პროექტი დაფინანსებულია ბიომრავალფეროვნების დაცვის ჩარჩო კონვენციის BBI (Bio Bridge Initiative) ფარგლებში, კორეის მთავრობის მიერ.
ბსუ-ს თურქეთის რესპუბლიკის გენერალური კონსული ბათუმში, ადნან ალთაი ალთინორსი და თურქეთის საელჩოს მრჩეველი განათლების საკითხებში, ერჯან გულსუიუ ეწვივნენ. რექტორთან ტიტე აროშიძესთან გამართულ გაცნობითი ხასიათის შეხვედრაზე დიპლომატიური კორპუსის წარმომადგენლებმა რექტორს არჩევა მიულოცეს და ორმხრივი თანამშრომლობის განვითარების კუთხით მხარდაჭერა აღუთქვეს.
ბათუმის შოთა რუსთაველის სახელმწიფო უნივერსიტეტის რექტორი ტიტე აროშიძე გაეროს ბავშვთა ფონდის (UNICEF) წარმომადგენელს საქართველოში იესპერ მოლერს შეხვდა. გაცნობითი ხასიათის შეხვედრაზე, მხარეებმა ბავშვთა უფლებების ცოდნის ცენტრის მიღწევებსა და სამომავლო გეგმებზე ისაუბრეს. შეთანხმდნენ ადრეული განათლებისა და ზრუნვის შესახებ მეოთხე საერთაშორისო კონფერენციის ჩატარებაზე, რომელიც ბათუმის სახელმწიფო უნივერსიტეტში ტრადიციულად საქართველოს განათლების, მეცნიერებისა და სპორტის სამინისტროს, აჭარის ა.რ. განათლების, კულტურისა და სპორტის სამინისტროს, გაეროს ბავშვთა ფონდისა და ბათუმის შოთა რუსთაველის სახელმწიფო უნივერსიტეტის ორგანიზებით იმართება.
