ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის კოლექტივი ულოცავს 60 წლის იუბილეს ინსტიტუტის ღვაწლმოსილ მეცნიერებს ლამზირი გორგილაძესა და სოსო მეფარიშვილს, რომელთა მოღვაწეობა ინსტიტუტში, მცენარეთა დაცვის მიმართულებით სამ ათეულ წელზე მეტს ითვლის. კოლექტივის თითოეული წევრი უსურვებს მათ ჯანის სიმრთელეს, წარმატებებს პირად და საზოგადოებრივ საქმიანობაში.
ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის კოლექტივი ულოცავს 70 წლის იუბილეს ღვაწლმოსილ მეცნიერს რეზო გორაძეს. მისი თვალსაჩინო და წარმატებული სამეცნიერო მოღვაწეობა 45 წელს ითვლის. მას დიდი ამაგი მიუძღვის ისეთი დარგების სამეცნიერო კვლევების წარმატებით განხორციელებაში, როგორებიცაა: ზოოლოგია, ჰიდრობიოლოგია, იხტიოლოგია, აქვაკულტურა, მარიკულტურა, ინდუსტრიული მეთევზეობა, სათევზმეურნეო ჰიდროტექნიკა, თევზის მეურნეობის დაგეგმარება და მართვა, თევზების ეკოლოგია, ზოოგეოგრაფია, თევზების გენეტიკა და სეელქცია, ეკოლოგიური მონიტორინგი, ექსპერტიზა, პროგნოზი, შავი ზღვისა და წყლის ეკოსისტემების მრავალფეროვნება, კონსერვაცია; ზღვის ძუძუმწოვრების ბიოეკოლოგია, კონსერვაცია, მენეჯმენტი.
ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტში აკადემიური საბჭოს გამსვლელი სხდომა გაიმართა. ინსტიტუტის მკვლევრებმა ბოლო ერთი წლის განმავლობაში წარმოებული სამეცნიერო-კვლევითი მუშაობის შედეგები და 2016 წლის სამეცნიერო პროგრამები განიხილეს. შეხვედრაზე ფიტოპათოლოგიის, ბიომრავალფეროვნების, კოლხეთის ტორფნარებისა და წყლის ეკოსისტემების კონსერვაციის მიმართულებით ანგარიში მთავარმა მეცნიერ-თანამშრომლებმა: ზოია სიხარულიძემ, მარიამ მეტრეველმა და იზოლდა მაჭუტაძემ.
ფიტოპათოლოგიისა და ბიომრავალფეროვნების ინსტიტუტის მთავარმა მეცნიერ-თანამშრომელმა გალინა მეფარიშვილმა და მეცნიერ-თანამშრომელმა, ბიოლოგიის დეპარტამენტის მე-3 კურსის დოქტორანტმა მაკა მურადაშვილი-შამილიშვილმა თბილისში, ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრსა და გ. ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტში გაიარეს ტრენინგი პათოგენური მოკროორგანიზმების გენომის სექვენირების საკითხებზე. მკვლევრები გაეცნენ საკარანტინო ბაქტერიული პათოგენის Ralstonia Solanacearum-ის მიმართ სპეციფიკურ ბაქტერიოფაგებთან მუშაობის პრინციპებს.
ბათუმის შოთა რუსთაველის სახელმწიფო უნივერსიტეტმა კოლხეთის დაცული ტერიტორიების განვითარების ფონდის მიერ გამოცხადებულ ტენდერებში: „ქობულეთის დაცული ტერიტორიების, ქობულეთის ნაკრძალისა და აღკვეთილის მენეჯმენტის გეგმის შეყიდვა“ და „კოლხეთის ეროვნული პარკის და კაცობურის მენეჯმენტის გეგმის შესყიდვა“ გაიმარჯვა. 10 ნოემბერს სატენდერო დოკუმენტაციებს ხელი მოაწერეს უნივერსიტეტის ადმინისტრაციის ხელმძღვანელმა ჯემალ ანანიძემ და კოლხეთის განვითარების ფონდის დირექტორმა დავით კვიციანმა. პროექტი ითვალისწინებს მენეჯმენტის ექვსწლიანი გეგმის მომზადებას „დაცული ტერიტორიების მენეჯმენტის გეგმის სტრუქტურის, შინაარსისა და თემატური ნაწილების შემუშავების მეთოდოლოგიის მომზადების ეტაპებისა და პროცედურის“ შესაბამისად, რომელიც დამტკიცებულია გარემოსა და ბუნებრივი რესურსების დაცვის სამინისტროს მიერ (მინისტრის 2014 წლის 12 მარტის #110 ბრძანება). პროექტები ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარების და წყლის ეკოსისტემების კონსერვაციის განყოფილების უფროსის იზოლდა მაჭუტაძის ხელმძღვანელობით განხორციელდება.
