ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების მეცნიერ-თანამშრომლებმა გარემოს დაცვის საერთაშორისო დღესთან დაკავშირებით ენდემური სახეობის 200-მდე ხე დარგეს. ბსუ-ს მკლევარებმა ღონისძიების ფარგლებში, ფიტოპათოლოგიისა და ბიომრავალფეროვნების ინსტიტუტის ეზოში, ასევე ქობულეთის დაცული ტერიტორიებისა და კოლხეთის ეროვნული პარკის მომიჯნავე ტერიტორიებზე ფიტოპათოლოგიისა და ბიომრავალფეროვნების ინსტიტუტის სამეცნიერო ლაბორატორიაშია გამოყვანილი, კოლხეთის რელიქტური ტყეების გლობალური წითელი ნუსხისა და ენდემური სახეობების ლაფანისა და ჰართვისის მუხები დარგეს.

შოთა რუსთაველის საქართველოს ეროვნული სამეცნიერო ფონდმა „ახალგაზრდა მეცნიერების კვლევების გრანტით დაფინანსების კონკურსის’’ 2019 წლის სახელმწიფო პროგრამის ფარგლებში გამოცხადებული სამეცნიერო-კვლევითი საგრანტო კონკურსის შედეგები გამოაქვეყნა. საგრანტო კონკურსში გამარჯვება მოიპოვეს ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მკვლევარების ორმა პროექტმა: „Pectobacterium და Dickeya სახეობებით გამოწვეული კარტოფილის ბაქტერიული დაავადებების შესწავლა საქართველოში“ (სამეცნიერო პროექტის ხელმძღვანელი ფიტოპათოლოგიისა და ბიომრავალფეროვნების ინსტიტუტის მეცნიერი თანამშრომელი მაკა მურადაშვილი) და „ლურჯი მოცვის (Vaccinium ulininosum) პროგრესირებადი სოკოვანი დაავადებების შესწავლა დასავლეთ საქართველოში“ პროექტის ხელმძღვანელი ფიტოპათოლოგიისა და ბიომრავალფეროვნების ინსტიტუტის მეცნიერი თანამშრომელი ლია ქოიავა).

გაერთიანებული ერების განათლების, მეცნიერებისა და კულტურის ორგანიზაციამ - UNESCO-მ „ღია მეცნიერების“ სტრატეგიის შემუშავებისთვის მსოფლიოს 6 ქვეყნიდან 6 მეცნიერი შეარჩია, რომელთაგან ერთ-ერთი ბსუ-ს ფიტოპათოლოგიისა და ბიომრავალფეროვნების ინსტიტუტის მთავარი მეცნიერ თანამშრომელი იზოლდა მაჭუტაძეა. ღონისძიების ფარგლებში მკვლევარმა UNESCO-ში გამართულ ფორუმში „მეცნიერება მშვიდობისა და განვითარებისთვის“ მიიღო მონაწილეობა და წარმოადგინა რეკომენდაციები, რომელიც გათვალისწინებული იქნება სტრატეგიის შემუშავებისას. სტრატეგიის მიზანია მეცნიერების ის მიღწევები გააცნოს ფართო საზოგადოებასა და ინოვატორ მეწარმეებს, რომელიც გავლენას ახდენს ეკონომიკის, ეკოლოგიის, ტექნოლოგიის პოლიტიკის შემუშავებაზე.

24 ივლისს ფიტოპათოლოგიისა და ბიომრავალფეროვნების ინსტიტუტის სამეცნიერო საბჭოს გაფართოებული სხდომა გაიმართა. სხდომაზე განიხილეს 6 თვის სამეცნიერო - ორგანიზაციული საქმიანობის ანგარიში. ანგარიში წარმოადგინეს სამეცნიერო განყოფილებების უფროსებმა. შეხვერაზე გაანალიზეს ამ დროისთვის არსებული შედეგები და ინსტიტუტში მიმდინარე საკითხები, მოისმინეს მეცნიერ-თანამშრომელთა უცხოეთში ვიზიტების შედეგები.

8-11 ივლისს, ფიტოპათოლოგიის და ბიომრავალფეროვნების ინსტიტუტში სტუმრად იმყოფებოდა ჩინეთის სოფლის მეურნეობის და ტყის ჩრდილოეთ-დასავლეთის უნივერსიტეტის პროფესორი სონგ ვეინინგი( Song Weining), რომელთანაც ინსტიტუტი თანამშრომლობს 2015 წლიდან ხორბლის ჟანგებისა კვლევისა და მოლეკულური ბიოლოგიის მიმართულებით. ორი მხარის ერთობლივი სამეცნიერო ინტერესის საგანს წარმოადგენს მარცვლოვანთა და ვაზის ენდემური ნიმუშების მოლეკულური ბიოლოგიის უახლესი მეთოდებით დახასიათება. ვიზიტის ფარგლებში შეგროვდა ხორბლის ყვითელი ჟანგას, ენდემური მარცვლოვნების და ვაზის რამდენიმე ნიმუში და ინსტიტუტის მოლეკულური ბიოლოგიის ლაბორატორიაში ზოგიერთი ნიმუშიდან გამოყოფილი იქნა დნმ. კვლევა გაგრძელდება ჩინეთის ჩრდილოეთ-დასავლეთის უნივერსიტეტში.