ფიტოპათოლოგიისა და ბიომრავალფეროვნების ინსტიტუტის, გამძლეობის გენეტიკის განყოფილების მკვლევარებმა ტრანსნაციონალური პროექტის „E320 (Molecular characterization of potato wart disease outbreaks) ფარგლებში ნიდერლანდებსა და პოლონეთს მიაწოდეს განყოფილების მიერ კლასიკური მეთოდებით შესწავლილი კარტოფილის კიბოს 8 ნიმუში. პროექტი E320 - კარტოფილის კიბოს კერების მოლეკულური მარკერებით დახასიათება- ამოქმედდა 2012 წლის აპრილიდან. პროექტში ჩართულია 15 ქვეყნის 17 სამეცნიერო ორგანიზაცია, რომელთა შორის ერთ-ერთი ბსუ-ს ფიტოპათოლოგიისა და ბიომრავალფეროვნების ინსტიტუტია. პროექტის მიზანია სხვადასხვა ქვეყანაში გავრცელებული კარტოფილის კიბოს გამომწვევის გენომის დონეზე შესწავლა.

ფიტოპათოლოგიისა და ბიომრავალფეროვნების ინსტიტუტის საკონფერენციო დარბაზში კოვიდ რეგულაციების დაცვით გამძლეობის გენეტიკის უფროსმა მეცნიერ თანამშრომელმა ცისანა ცეცხლაძემ ჩაატარა სემინარი თემაზე „ბოსტნეული კულტურების მავნებელ-დაავადებები და მათი ინტეგრირებული დაცვა“. მომხსენებელმა სემინარზე დაავადებათა გამომწვევ მიზეზებსა და სხვა არსებულ პრობლემებზე ისაუბრა.

აჭარის სოფლის მეურნეობის განვითარების პროგრამის ფარგლებში, ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მეცნიერ თანამშრომლებთან შეხვედრა გაიმართა. შეხვედრას ესწრებოდნენ აშშ-ის საერთაშორისო განვითარების სააგენტოს (USAID-ი) სოფლის მეურნეობის პროგრამის „მანდარინის ღირებულებათა ჯაჭვის“ კორდინატორი გიორგი ჯავახიშვილი და ფერმერთა ასოციაცია „სუბტროპიკი“-ის თავმჯდომარე ირაკლი სურმანიძე. შეხვედრის მიზანი იყო ინსტიტუტის თანამშრომელთა ჩართულობის ხელშეწყობა ინსტრუქტორ/ფერმერთა გადამზადების პროცესში.

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების მეცნიერ-თანამშრომლებმა გარემოს დაცვის საერთაშორისო დღესთან დაკავშირებით ენდემური სახეობის 200-მდე ხე დარგეს. ბსუ-ს მკლევარებმა ღონისძიების ფარგლებში, ფიტოპათოლოგიისა და ბიომრავალფეროვნების ინსტიტუტის ეზოში, ასევე ქობულეთის დაცული ტერიტორიებისა და კოლხეთის ეროვნული პარკის მომიჯნავე ტერიტორიებზე ფიტოპათოლოგიისა და ბიომრავალფეროვნების ინსტიტუტის სამეცნიერო ლაბორატორიაშია გამოყვანილი, კოლხეთის რელიქტური ტყეების გლობალური წითელი ნუსხისა და ენდემური სახეობების ლაფანისა და ჰართვისის მუხები დარგეს.

შოთა რუსთაველის საქართველოს ეროვნული სამეცნიერო ფონდმა „ახალგაზრდა მეცნიერების კვლევების გრანტით დაფინანსების კონკურსის’’ 2019 წლის სახელმწიფო პროგრამის ფარგლებში გამოცხადებული სამეცნიერო-კვლევითი საგრანტო კონკურსის შედეგები გამოაქვეყნა. საგრანტო კონკურსში გამარჯვება მოიპოვეს ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მკვლევარების ორმა პროექტმა: „Pectobacterium და Dickeya სახეობებით გამოწვეული კარტოფილის ბაქტერიული დაავადებების შესწავლა საქართველოში“ (სამეცნიერო პროექტის ხელმძღვანელი ფიტოპათოლოგიისა და ბიომრავალფეროვნების ინსტიტუტის მეცნიერი თანამშრომელი მაკა მურადაშვილი) და „ლურჯი მოცვის (Vaccinium ulininosum) პროგრესირებადი სოკოვანი დაავადებების შესწავლა დასავლეთ საქართველოში“ პროექტის ხელმძღვანელი ფიტოპათოლოგიისა და ბიომრავალფეროვნების ინსტიტუტის მეცნიერი თანამშრომელი ლია ქოიავა).