Horizon Europe აცხადებს სამეცნიერო საგრანტო კონკურსს კონკურენტუნარიან ჯანდაცვასთან დაკვშირებული ინდუსტრიის მიმართულებით, სახელწოდებით „ევროკავშირის მეთოდოლოგიური ჩარჩოების შემუშავება სამედიცინო მოწყობილობებისა და ინ ვიტრო დიაგნოსტიკური მოწყობილობების (IVDs) კლინიკური შეფასებისა და პოსტ-მარკეტული კლინიკური შემდგომი დაკვირვებისთვის“. პროექტის მიზანია ახალი მარეგულირებელი ჩარჩოს შექმნა ინოვაციური და ეფექტური სამედიცინო მოწყობილობების პაციენტთათვის სწრაფი მიწოდების უზრუნველსაყოფად.

შავი ზღვის აქსელერატორი მდგრადი ლურჯი ეკონომიკის მხარდასაჭერად – გამოცხადდა კონკურსი წინადადებების წარმოსადგენად. შავი ზღვის აქსელერატორი მხარს უჭერს მდგრადი ლურჯი ეკონომიკის წინადადებებს შავი ზღვის რეგიონში, რომლის მიზანია რეგიონში მდგრადი და ცირკულარული ინოვაციების ხელშეწყობა. გამოცხადებული კონკურსი ღიაა აპლიკანტებისთვის (როგორც ფიზიკური პირების, ისე ორგანიზაციების) შავი ზღვის რეგიონიდან, ასევე რეგიონის გარე განმცხადებლებისთვის, რომლებიც ახორციელებენ ახალი მეთოდების იმპორტს შავი ზღვის რეგიონში. სამომავლოდ გათვალისწინებული იქნება ასევე განაცხადების მიღება ტრენინგებისა და საკონსულტაციო სერვისების მეშვეობითაც, რომელთა მოწოდება შესაძლებელი იქნება ონლაინ. სერვისები მოწოდებული უნდა იყოს ინგლისურ ენაზე, თუმცაღა შესაძლოა კონკრეტულ შემთხვევებში განხილულ იქნას სხვა ენებიც (ექვემდებარება დაზუსტებას).

სასტიპენდიო პროგრამა „ევროპული გრანტები ქართველი მკლევრებისთვის (DAAD)“ მეცნიერებს სთავაზობს საგრანტო პროგრამებს, რაც მიზნად ისახავს საქართველოს STI (Science, Technology and Innovation) სექტორის ინტერნაციონალიზაციის ხელშეწყობას, ქართველ მკვლევართა (მათ შორის ახალგაზრდა მეცნიერთა) და ინოვატორების ქსელის განვითარებას და ევროკავშირის შესაბამის კოლეგებთან პროფესიული კავშირების დამყარებას, ასევე ქართველ მკვლევართა და ინოვატორთა მობილობის გაზრდას და მათ ინტეგრაციას ევროპის კვლევით სივრცეში. გრძელვადიან პერსპექტივაში, პროგრამა მიზნად ისახავს ერთობლივი R&I (კვლევებისა და ინოვაციების) შედეგების, ასევე ერთობლივი R&I პროექტების სტიმულირებას Horizon Europe-ისა და ევროკავშირის R&I დაფინანსების სხვა სქემების ფარგლებში.

აკადემიური კვლევების მხარდამჭერი პროგრამა - Friends of Academic Research in Georgia - ეხმარება ჰუმანიტარული მიმართულების მეცნიერებს სამეცნიერო კვლევების განხორციელებასა და კვლევების შედეგების გამოქვეყნებაში. აღნიშნული ქმედებით FaRiG-ი ხელს უწყობს საქართველოს უნიკალური კულტურული მემკვიდრეობის შენარჩუნებას და მათი საქმიანობის უკეთ გაცნობას საერთაშორისო სამეცნიერო საზოგადოებებში.წლების მანძილზე პროგრამამ მიზანმიმართული დახმარება გაუწია ქართველ მეცნიერებს, რომლებიც მუშაობენ პოსტსაბჭოთა ცხოვრების რთულ პირობებში, თავიანთი ქვეყნის 3000-წლიანი მემკვიდრეობის დოკუმენტირებაში, ანალიზსა და შენარჩუნებაში, რაც მოიცავს ისეთ მიმართულებებს, როგორიცაა: პოეზია, მუსიკა, არქიტექტურა, მხატვრობა, კინემატოგრაფია, ხელნაწერები და ა.შ. დეტალური ინფორმაციისთვის იხილეთ ბმული: http://www.farig.org/

შვეიცარიის მთავრობა აცხადებს საგრანტო კონკურსს, რომელიც მიზნად ისახავს შვეიცარიის უნივერსიტეტებში სწავლისა და კვლევების დაფინანსებას. კონკურსში მონაწილეობის მიღება შეუძლიათ ახალგაზრდა (არა შვეიცარიის მოქალაქე) უცხოელ მკვლევრებს, რომლებიც უკვე ფლობენ მაგისტრის ან დოქტორის ხარისხს (ნებისმიერ დისციპლინაში) და გეგმავენ კვლევის გაგრძელებას დოქტორანტურაში ან პოსტ სადოქტორო დონეზე.