ბათუმის შოთა რუსთაველის სახელმწიფო უნივერსიტეტის „Horizon Europe“ საუნივერსიტეტო საგრანტო ოფისში ჩატარდა საინფორმაციო დღე უნივერსიტეტის პროფესორ-მასწავლებლებთან, ადმინისტრატორებთან და ინსტიტუტების წარმომადგენლებთან. შეხვედრის მიზანი იყო მეცნიერებისა და ტექნოლოგიების ევროპული თანამშრომლობის (COST Actions) პრეზენტაცია. ორგანიზაცია დაფუძნებულია ბრიუსელში და 1971 წლიდან იღებს ევროკავშირის დაფინანსებას სხვადასხვა კვლევისა და ინოვაციის ჩარჩო პროგრამების ფარგლებში, როგორებიცაა: Horizon 2020 და Horizon Europe.

11 ივნისს, 16:00 საათზე ჰორიზონტი ევროპას საქართველოს ეროვნული ოფისის ორგანიზებით, გაიმართება საინფორმაციო დღე ჯანმრთელობის მიმართულებით გამოცხადებულ საკონკურსო თემებზე. ღონისძიება ჩატარდება დისტანციურ რეჟიმში.
საინფორმაციო დღეების განმავლობაში განხილული იქნება ორეტაპიანი კონკურსების წესები, პროცედურები და ფინანსური ასპექტები. ასევე, პლატფორმა პოტენციურ პარტნიორებთან დაკავშირების საშუალებასაც იძლევა. ამისთვის საჭიროა რეგისტრაცია ბმულზე: https://bit.ly/42FeFEg

საქართველოს განათლების, მეცნიერებისა და ახალგაზრდობის სამინისტრო და „Horizon Europe”-ს ეროვნული ოფისი 13 ივნისს გიწვევთ ღონისძიებაზე ახალგაზრდა მეცნიერთა კვირეულის ფარგლებში - „ახალგაზრდა მეცნიერები პლანეტის საუკეთესო მომავლისთვის.“ ღონისძიებაზე - „ფოკუსირება ჰოროზონტი ევროპაზე“, განხილული იქნება „ჰორიონრი ევროპას“ ეროვნული ოფისის საქმიანობა, მიღწევები და მომავლის სტრატეგიული გეგმები. მონაწილეები გაეცნობიან კონკურსებში ჩართული საქართველოს წარმომადგენლების წარმატებულ ისტორიებს, რომლებიც თავიანთ საუკეთესო პრაქტიკას.

7 ივნისს,15:00-17:00 საათზე, „ჰორიზონტი ევროპა“ საქართველოს ეროვნული ოფისის ორგანიზებით, გაიმართება ევროპის ინოვაციებისა და ტექნოლოგიების ინსტიტუტის (EIT) საინფორმაციო დღე. ღონისძიება ეძღვნება ევროპის ინოვაციების უდიდესი პარტნიორული ქსელის მიერ გამოცხადებული კონკურსების მიმოხილვას ბიზნესის, კვლევისა და უმაღლესი განათლების სფეროს ინოვაციების კომერციალიზაციის მიმართულებით.

29 აპრილს იტალიის კვლევისა და ინოვაციების მხარდამჭერი სააგენტოს (APRE) და სალენტოს უნივერსიტეტის (იტალია) ორგანიზებით გაიმართება ღონისძიება, რომლის მიზანია ჰორიზონტი ევროპის პროგრამის ფარგლებში ევროპის და საერთაშორისო დონეზე თანამშრომლობის დამყარება. ღონისძიების ფარგლებში პოტენციურ აპლიკანტებს თანამშრომლობისთვის იდეებისა და ექსპერტიზის გაცვლისა და შეთავაზების შესაძლებლობა ექნებათ. სალენტოს უნივერსიტეტის 6 კვლევითი ჯგუფი წარდგება პრეზენტაციით შემდეგ თემებზე: ჯანმრთელობა- სამედიცინო რობოტიკა, ნეირო-ფიზიო-რეაბილიტაცია, ბიომექანიკური სტრესი, კოვიდის შემდგომი და კოვიდის ხანგრძლივი მოვლა, თერანოსტიკა (თერაპია და დიაგნოსტიკა).