გამოცხადდა კონსკურსი მრავალწლიან პროექტებში და ღონისძიებებში მონაწილეობის მისაღებად (SPS Multi-Year Projects and Events) NATO-ს მეცნიერება მშვიდობისა და უსაფრთხოებისთვის პროგრამის ფარგლებში. განაცხადების მიღების ბოლო ვადაა 2024 წლის 21 იანვარი. დამატებითი ინფორმაცია ხელმისაწვდომია შემდეგ ბმულზე.
ევროკომისიის ერთობლივი კვლევის ცენტრი (JRC) ისპრაში (VA) (იტალია) აცხადებს კონკურსს ორ კვლევით პოზიციზე თავისი საძიებო კვლევის პროგრამის ფარგლებში. JRC-ი უზრუნველყოფს დამოუკიდებელ, მტკიცებულებებზე დაფუძნებულ ცოდნასა და მეცნიერებას, მხარს უჭერს ევროკავშირის პოლიტიკას საზოგადოებაზე პოზიტიური ზემოქმედების მიზნით.
გამოცხადდა კონკურსი შავი ზღვის აქსელერატორი მდგრადი ლურჯი ეკონომიკის მხარდასაჭერად. კონკურსში მონაწილეობა შეუძლიათ აპლიკანტებს (როგორც ფიზიკური პირებს, ისე ორგანიზაციებს) შავი ზღვის რეგიონიდან, ასევე რეგიონის გარე განმცხადებლებს, რომლებიც ახორციელებენ ახალი მეთოდების იმპორტს შავი ზღვის რეგიონში. სამომავლოდ გათვალისწინებული იქნება ასევე განაცხადების მიღება ტრენინგებისა და საკონსულტაციო სერვისების მეშვეობითაც, რომელთა მოწოდება შესაძლებელი იქნება ონლაინ. სერვისები მოწოდებული უნდა იყოს ინგლისურ ენაზე, თუმცაღა შესაძლოა კონკრეტულ შემთხვევებში განხილულ იქნას სხვა ენებიც (ექვემდებარება დაზუსტებას).
Horizon Europe აცხადებს სამეცნიერო საგრანტო კონკურსს დაავადებებთან გამკლავების და დაავადებების ტვირთის შემცირების მიმართულებით, სახელწოდებით „პანდემიისთვის მზაობა და რეაგირება: პანდემიისთვის მზაობის ევროპული პარტნიორობის შენარჩუნება“. პროექტის მიზანია პანდემიისთვის მზაობის ხელშესაწყობად ადმინისტრაციული და ორგანიზაციული მხარდაჭერის უზრუნველყოფა“. კონკურსში მონაწილეობის მიღება შეუძლია კონსორციუმს (მინიმუმ 3 ევროპული, ევროპასთან ასოცირებული ან „ჰორიზონტ ევროპასთან“ ასოცირებული ქვეყნის ორგანიზაცია).
Horizon Europe აცხადებს სამეცნიერო საგრანტო კონკურსს დაავადებებთან გამკლავების და დაავადებების ტვირთის შემცირების მიმართულებით, სახელწოდებით „ევროპული პარტნიორობა ერთიან ჯანმრთელობაზე/ ანტიმიკრობულ რეზისტენტობაზე“. პროექტი მიზნად ისახავს ანტიმიკრობული რეზისტენტობის საფრთხეების შემცირებით წვლილი შეიტანოს ანტიმიკრობულ რეზისტენტობაზე მიმართული ევროპის ერთიანი ჯანმრთელობის სამოქმედო გეგმის და ჯანდაცვის მსოფლიო ორგანიზაციის (WHO) გლობალური სამოქმედო გეგმის მიზნების მიღწევაში.
