ბათუმის N1 საჯარო სკოლაში ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკისისტემების კონსერვაციის განყოფილების უფროსმა იზოლდას მაჭუტაძემ ლექცია წაიკითხა და დისკუსია გამართა თემაზე: „სფაგნუმი - ტორფნარებისათვის განსაკუთრებული სახეობა“. ღონისძიება ჩატარდა e-Twenning პროექტის „დავიცვათ ბიომრავალფეროვნება“ ფარგლებში და მიზნად ისახავდა ისპანის მსოფლიო მნიშვნელობის უნიკალურობისა და სფაგნუმის ხავსის შესახებ მნიშვნელობის გაცნობას.

ჩეხეთის რესპუბლიკის ჰრადეკ კრალოვეს ჩარლის უნივერსიტეტის ფარმაციის ფაკულტეტის დოქტორანტი, ვიშეგრადის მობილობის სტიპენდიანტი კათერინა დელეჩკოვა ფიტოპათოლოგიისა და ბიომრავალფეროვნების ინსტიტუტე ეწვია. ახალგაზრდა მკვლევარი სადოქტორო სწავლების ორ სემესტრს ბათუმის შოთა რუსთაველის სახელმწიფო უნივერსიტეტში გაივლის. სადისერტაციო თემის „მცენარეთა in-vitro კულტურის ქსოვილებში მეტაბოლური პროცესების შესწავლა“ კვლევების ნაწილს შეასრულებს ინტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსის იზოლდა მაჭუტაძის სამეცნიერო ხელმძღვანელობით. კვლევა ძირითადად მოიცავს კოლხეთის დაბლობის სფაგნუმის სახეობებში ბუნებრივ და ხელოვნურ პირობებში (in-vitro) მზარდ სახეობებში მეტაბოლური პროცესების შედარებას.

ბსუ-ს ფიტოპათოლოგიისა და ბიომრავალფეროვნების ინსტიტუტში 2022-2023 წელს განსახორციელებელი სასკოლო ღონისძიებების აქტივობების ფარგლებში სტუმრად იმყოფებოდნენ ქობულეთის მუნიციპალიტეტის წყავროკის საჯარო სკოლის X-XII კლასის მოსწავლეები. ინსტიტუტის დირექტორმა გურამ მემარნემ და მთავარმა მეცნიერ თანამშრომელმა ნელი ხალვაშმა წაიკითხეს საჯარო ლექცია თემაზე: „თხილის ჯიშების მრავალფეროვნება“. მომხსენებელმა ყურადღება გაამახვილეს აგრო-ბიომრავალფეროვნების მნიშვნელობასა და საფრთხეებზე. ვიზიტის ფარგლებში, მოსწავლეებმა დაათვალიერეს კოლექციაში არსებული თხილის ნაყოფის 30-მდე ნიმუში, ინსტიტუტის ლაბორატორიები, საკოლექციო ნაკვეთები და გაეცნენ მუშაობის სპეციფიკას.

ფიტოპათოლოგიისა და ბიომრავალფეროვნების ინსტიტუტში ტყის საერთაშორისო დღე აღინიშნა. კოლხეთის ტორფნარებისა და წყლის ეკოსისტემების კონსერვაციის განყოფილების მეცნიერ თანამშრომელმა ნათელა ტეტემაძემ ქობულეთის მუნიციპალიტეტის ჩაქვის №1 საჯარო სკოლის მოსწავლებისა და ეკოკლუბ „ჩირაღდნის“ წევრებისათვის ტყის აქტუალურ საკიტხებზე პრეზენტაცია ჩაატარა. მომხსენებელმა მოსწავლეებს გააცნო ინფორმაცია საქართველოს ტყეებში არსებული ფლორისა და ფაუნის მრავალფეროვნებასა და იშვიათი მერქნიანი მცენარეების დაცვა-შენარჩუნებაზე. ღონისძიება კითხვა-პასუხის რეჟიმში წარიმართა და მონაწილეებმა იმსჯელეს ტყის მდგრად მართვასთან, ბუნებრივ და ხელოვნურ ტყესთან დაკავშირებულ საკითხებზე. მომხსენებელი მოსწავლეებს ესუბრა აგრეთვე პროფესიული განათლების მნიშვნელობასა და გარემოს დაცვის სასწავლო პროგრამებზე.

ბათუმის შოთა რუსთაველის სახელმწიფო უნივერსიტეტის რექტორმა, პროფესორმა მერაბ ხალვაშმა და „საქართველოს მწვანეთა მოძრაობა - დედამიწის მეგობრები - საქართველოს“ თავმჯდომარემ ნინო ჩხობაძემ თანამშრომლობის მემორანდუმს მოაწერეს ხელი. ხელშეკრულება მიზნად ისახავს ეკოლოგიური, გარემოსდაცვითი და მდგრადი განვითარების მიზნების მისაღწევად ერთობლივი საგანმანათლებლო-სამეცნიერო პროექტების განხორციელებას. დაიგეგმა ახალგაზრდული ფორუმის - მდგრადი განვითარებისა და ევროინტეგრაციისთვის - ღონისძიებებში მონაწილეობა და თანამშრომლობა. მემორანდუმი ასევე ითვალისწინებს ერთობლივი სამეცნიერო და საგანმანათლებლო გამოცემების მომზადებას, კონფერენციების ჩატრებას, გამოცდილების გაზიარებას და საერთაშორისო კონტაქტების განვითარებას ერთობლივი პროექტების განხორციელების მიზნით.