ნიკო ბერძენიშვილის ინსტიტუტის მკვლევართა და აჭარის ტურიზმის დეპარტამენტის ტურისტული პროდუქტების განვითარების სააგენტოს ერთობლივი პროექტის ფარგლებში გამოიცა გზამკვლევი “კულინარიული მოგზაურობა აჭარაში”.
გზამკვლევში წარმოდგენილია ნაკლებადცნობილი და მივიწყებული კერძების, დესერტებისა და წასახემსებლების რეცეპტები, ფოტოები და კერძთან დაკავშირებული ტრადიციები.
კულინარიული გზამკვლევი აჭარის მრავალფეროვანი კერძების პოპულარიზაციას ემსახურება.
ბსუ-ს მიზნობრივი-სამეცნიერო კვლევითი პროექტის ფარგლებში ნიკო ბერძენიშვილის ინსტიტუტის მეცნიერთა ჯგუფმა ემერიტუს-პროფესორ შუშანა ფუტკარაძის ხელმძღვანელობით დაასრულა სამუშაო ვიზიტი სტამბოლის ქართველ კათოლიკეთა სავანეში. სამუშაო ვიზიტის ფარგლებში მოხდა უნიკალურ არქივში დაცული ეროვნული მნიშვნელობის მასალის შესწავლა-აღნუსხვა. გამოვლინდა ახალი მასალები პეტრე სურგულაძის, შალვა ვარდიძისა და თურქეთში მოქმედი ქართველი ლეგიონერების შესახებ.
25-27 ოქტომბერს გერმანიის არქეოლოგიის ინსტიტუტის ევრაზიის განყოფილებისა და გოეთეს ინსტიტუტის ორგანიზებით, ევროკავშირის პროექტის EU4Dialogue-ის ფარგლებში თბილისში ჩატარდა არქეოლოგიური ვორქშოპი თემაზე: „სამხრეთ კავკასიის არქეოლოგიური ძეგლებისათვის რეესტრის შედგენის შესაძლებლობები“. სემინარში მონაწილეობა მიიღო და მოხსენებით წარსდგა ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის მეცნიერ-თანამშრომელი სულხან მამულაძე. ტრენინგი ბრანდენბურგის მუზეუმისა და ძეგლთა დაცვის დირექტორმა პროფესორმა ფრანც შოპერმა ჩაატარა. ვორქშოპის მუშაობას ესწრებოდნენ გერმანიის სომხეთის, მოლდავეთისა და საქართველოს წარმომადგენლები.
