ანონსები

22 აგვისტოს, 16:30 საათზე, ბათუმის ამერიკულ კუთხეში ჰემლაინის უნივერსიტეტის პროფესორის დევიდ შულცის საჯარო ლექცია გაიმართება თემაზე:„როგორი იქნება აშშ-ს 2020 წლის არჩევნები". ღონისძიება ბათუმის შოთა რუსთაველის სახელმწიფო უნივერსიტეტისა და მიკოლას რომერის უნივერსიტეტის ერთობლივი საერთაშორისო საზაფხულო სკოლის „კონსტიტუციური დემოკრატია: თანამედროვე გამოწვევები“ ფარგლებში ტარდება.

16-19 ივლისს, ბათუმის შოთა რუსთაველის სახელმწიფო უნივერსიტეტში პროფესორ პაატა კერვალიშვილის საჯარო ლექციათა ციკლი დაიწყება. ლექციები ბსუ-ს ზუსტ მეცნიერებათა და განათლების ფაკულტეტის ფიზიკის დეპარტამენტის ორგანიზებითა და აჭარის ა.რ. განათლების, კულტურის და სპორტის სამინისტროს მხარდაჭერით ჩატარდება.

საფრანგეთის ეროვნული დღესასწაული მსოფლიო მასშტაბით აღინიშნება. 14 ივლისს, 16:00 საათზე, ბსუ-ს წინ (ბულვარის მიმდებარე ტერიტორია) ბათუმის შოთა რუსთაველის სახელმწიფო უნივერსიტეტის, ბათუმის ბულვარისა და აჭარის ფრანგული ენის მასწავლებელთა ასოციაციის ორგანიზებით საზეიმო ღონისძიება გაიმართება.

10 ივლისს, 15:00 საათზე, ბათუმის შოთა რუსთაველის სახელმწიფო უნივერსიტეტში (I კორპუსის ფოიე) გამოფენა „ლატვიის საუკუნე“ გაიხსნება. „ლატვიის საუკუნე“ უნივერსალური პროექტია, ქვეყნის ბოლო 100 წლის ისტორიას ასახავს და მასზე ლატვიის 60-ზე მეტმა მუზეუმმა იმუშავა. გამოფენა ლატვიის რესპუბლიკის საგარეო საქმეთა სამინისტროს მხარდაჭერით და საელჩოს ორგანიზებით ტარდება.

9-13 ივლისს, ბათუმის შოთა რუსთაველის სახელმწიფო უნივერსიტეტში (I კორპუსი, II სართული) გამოფენა „ქალაქების შეჯამება, ევროპული მოედნები და მათი ისტორიები“ გაიხსნება. კატალინ დ. კონსტანტინის ნამუშევრები მოედნების გეოგრაფიული სივრცეს ეძღვნება და მიზნად ისახავს ევროპის ქალაქების საჯარო მოედნების კულტურული და ანთროპოლოგიური წარმოჩენას. ღონისძიება ბათუმის შოთა რუსთაველის სახელმწიფო უნივერსიტეტისა და საქართველოში რუმინეთის საელჩოს ორგანიზებით იმართება.