ანონსები

10 ოქტომბერს, 13:30 საათზე, ბათუმის შოთა რუსთაველის სახელმწიფო უნივერსიტეტში, 328-ე აუდიტორიაში გაიმართება ევროკომისიის მიერ დაფინანსებული ერთობლივი სამაგისტრო პროგრამების (Erasmus Mundus JMD) წარდგენა. პრეზენტაციაზე სტუდენტები ერთობლივ სამაგისტრო პროგრამებზე სწავლებისა და კონკურსში მონაწილეობის პირობებს გაეცნობიან.

4 ოქტომბერს, 13:00 საათზე, ბათუმის შოთა რუსთაველის სახელმწიფო უნივერსიტეტში, სააქტო დარბაზში სტუდენტებისა და პროფესორ-მასწავლებლებისათვის საინფორმაციო შეხვედრა გაიმართება ერაზმუს+ის გაცვლითი პროგრამების შესახებ. ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლები პროგრამაში მონაწილეობის მსურველებს უცხოეთის უმაღლეს საგანმანათლებლო დაწესებულებებში სწავლების პირობებს გააცნობენ და კონკურსში მონაწილეობისათვის საჭირო დოკუმენტაციის, პარტნიორი უნივერსიტეტების, ვადებისა და სტიპენდიების შესახებ ინფორმაციას მიაწოდებენ.

2019 წლის 24 სექტემბერს 1400 საათზე ისტორიის მეცნიერებათა დოქტორი ნანა გეგელიშვილი წაიკითხავს საჯარო ლექციას თემაზე: „სწავლების დამხმარე ტექნოლოგია - ნეირო პლასტიურობა და განათლება“ აუდიტორია N-55

23 სექტემბერს, 14:00 საათზე, ბათუმის შოთა რუსთაველის სახელმწიფო უნივერსიტეტის წინ, ბულვარის მიმდებარე ტერიტორიაზე გაიხსნება ბათუმის სამეცნიერო პიკნიკი. ღონისძიება მეცნიერებისა და ინოვაციების საერთაშორისო ფესტივალის ფარგლებში საქართველოს განათლების, მეცნიერების, კულტურისა და სპორტის სამინისტროს, შოთა რუსთაველის საქართველოს ეროვნული სამეცნიერო ფონდისა და ბათუმის შოთა რუსთაველის სახელმწიფო უნივერსიტეტის ორგანიზებით იმართება. სამეცნიერო პიკნიკი მიზნად ისახავს სამეცნიერო კვლევებისა და ინოვაციების პოპულარიზაციას, მკვლევართა მიღწევების გაცნობას ფართო საზოგადოებისათვის, საერთაშორისო თანამშრომლობის გაღრმავებას, მკვლევართა მოტივაციის ზრდას, ახალგაზრდების, სტუდენტებისა და სკოლის მოსწავლეების დაინტერესებას სამეცნიერო კვლევებითა და ინოვაციებით, განათლების, მეცნიერებისა და კულტურის დაახლოებას.

22 აგვისტოს, 11:00 საათზე საქართველოს საკონსტიტუციო სასამართლოში გაიმართება ტეხასის უნივერსიტეტის პროფესორის რიჩარდ ალბერტის წიგნის - „საკონსტიტუციო ცვლილებები: როგორ იქმნება, ირღვევა და იცვლება კონსტიტუციები“ პრეზენტაცია. წიგნის წარდგენა ბათუმის შოთა რუსთაველის სახელმწიფო უნივერსიტეტისა და მიკოლას რომერის უნივერსიტეტის ერთობლივი საერთაშორისო საზაფხულო სკოლის „კონსტიტუციური დემოკრატია: თანამედროვე გამოწვევები“ ფარგლებში საკონსტიტუციო სასამართლოსთან თანამშრომლობით ტარდება.