ანონსები

23 თებერვალს, 17:00 საათზე, ბსუ-ს ოფიციალურ ფეისბუქ გვერდზე ონლაინ ღია კარის დღეების ფარგლებში, საბუნებისმეტყველო მეცნიერებათა და ჯანდაცვის ფაკულტეტის ხარისხის უზრუნველყოფის სამსახურის უფროსი, ასისტ. პროფესორი თეა ქოიავა აბიტურიენტებისთვის გამართავს ონლაინ შეხვედრას.ფაკულტეტის ხარისხის უზრუნველყოფის სამსახურის უფროსი თეა ქოიავა ისაუბრებს ფაკულტეტის საბაკალავრო საგანმანათლებლო პროგრამებზე, სწავლის პირობებზე, სტიპენდიებსა და გაცვლით პროგრამებზე.

22 თებერვალს, 17:00 საათზე, ბსუ-ს ოფიციალურ ფეისბუქ გვერდზე ონლაინ ღია კარის დღეების ფარგლებში, ტექნოლოგიური ფაკულტეტის დეკანის მოვალეობის შემსრულებელი, ასოც. პროფესორი დარეჯან ჯაში აბიტურიენტებისთვის გამართავს ონლაინ შეხვედრას. დეკანის მოვალეობის შემსრულებელი დარეჯან ჯაში ისაუბრებს ფაკულტეტის საბაკალავრო საგანმანათლებლო პროგრამებზე, სწავლის პირობებზე, სტიპენდიებსა და გაცვლით პროგრამებზე.

სტუდენტთა სამეცნიერო საზოგადოება - ბსუ 2021 წლის სტუდენტთა საუნივერსიტეტო სამეცნიერო კონფერენციის საინფორმაციო შეხვედრებს გამართავს პლატფორმა ZOOM-ის საშუალებით. სტუდენტთა სამეცნიერო საზოგადოება - ბსუ-ს თავმჯდომარე მარიკა ბროლაძე და უნივერსიტეტის სტუდენტთა კარიერული განვითარების, კულტურისა და სპორტის დეპარტამენტის წარმომადგენელი გოჩა სურგულაძე სტუდენტებს კონფერენციაში მონაწილეობის პირობებს გააცნობენ.

19 თებერვალს, 13:00 საათზე, პლაგიატის პრევენციის საერთაშორისო დღესთან დაკავშირებით, ბათუმის შოთა რუსთაველის სახელმწიფო უნივერსიტეტის სტუდენტებისა და პროფესორ-მასწავლებლებისათვის, ZOOM-ის პლატფორმის გამოყენებით ჩატარდება ვებინარი თემაზე „ერთად ვებრძოლოთ პლაგიატს“. სამუშაო შეხვედრაზე გაიმართება პლაგიატის შესახებ ცნობიერების ამაღლებასთან დაკავშირებული პრეზენტაციები, მსმენელები გაეცნობიან პლაგიატის წინააღმდეგ ბრძოლის მექანიზმებსა და ბსუ-ს მიერ შემუშავებულ რეგულაციებს. ამასთან, დამსწრეთ შესაძლებლობა ექნებათ ნახონ პლაგიატის პრევენციის შესახებ „ერაზმუს+“-ის პროექტის „აკადემიური კეთილსინდისიერება ხარისხიანი სწავლისა და სწავლებისათვის ქართულ უმაღლეს საგანმანათლებლო დაწესებულებებში (INTEGRITY)“ ფარგლებში მომზადებული ვიდეორგოლები, ასევე გაიმართება ვიქტორინა. ვორქშოფი ონლაინ ფორმატით, ზუმის პლატფორმის გამოყენებით გაიმართება.

აბიტურიენტთა საყურადღებოდ! 19 თებერვალს, 17:00 საათზე, ბსუ-ს ოფიციალურ ფეისბუქ გვერდზე ონლაინ ღია კარის დღეების ფარგლებში, ეკონომიკისა და ბიზნესის ფაკულტეტის დეკანი, პროფესორი ვლადიმერ ღლონტი აბიტურიენტებისთვის გამართავს ონლაინ შეხვედრას. დეკანი ვლადიმერ ღლონტი ისაუბრებს ფაკულტეტის საბაკალავრო საგანმანათლებლო პროგრამებზე, სწავლის პირობებზე, სტიპენდიებსა და გაცვლით პროგრამებზე.