ანონსები

ქართული ენის დღე ბათუმის შოთა რუსთაველის სახელმწიფო უნივერსიტეტში რამდენიმე ღონისძიებით აღინიშნება. 12 აპრილს, 12:00 საათზე ბსუ-ს აკადემიური საბჭო საქართველოს მეცნიერებათა ეროვნული აკადემიის აკადემიკოსს მზექალა შანიძეს საპატიო დოქტორის წოდებას მიანიჭებს. ასევე, ცნობილი ენათმეცნიერი „ქართული ენის დღის“ კვირეულის ფარგლებში, ZOOM-ის პლატფორმის გამოყენებით, წაიკითხავს მოხსენებას „ქართული სალიტერატურო ენის ნორმალიზაციის საკითხების“ შესახებ.

24 მარტს, 12:00 საათიდან 18:00 საათამდე, DAAD-ის ორგანიზებით სტუდენტებისათვის გაიმართება ონლიან გამოფენა „გერმანულენოვანი შემოთავაზებები“. გამოფენის მონაწილე უმაღლესი სასწავლებლები მცირე ხნიანი პრეზენტაციების შემდეგ დაინტერესებული სტუდენტების კითხვებს უპასუხებენ. გამოფენაში მონაწილეობის მსურველებმა უნდა გაიაროთ რეგისტრაცია მითითებულ ელმისამართზე.

აბიტურიენტთა საყურადღებოდ! 26 თებერვალს, 17:00 საათზე, ბსუ-ს ოფიციალურ ფეისბუქ გვერდზე ონლაინ ღია კარის დღეების ფარგლებში, ზუსტ მეცნიერებათა და განათლების ფაკულტეტის დეკანი, ასოც. პროფესორი ლელა თურმანიძე აბიტურიენტებისთვის გამართავს ონლაინ შეხვედრას.ფაკულტეტის დეკანი ლელა თურმანიძე ისაუბრებს ფაკულტეტის საბაკალავრო საგანმანათლებლო პროგრამებზე, სწავლის პირობებზე, სტიპენდიებსა და გაცვლით პროგრამებზე.

საბჭოთა ოკუპაციიდან 100 წელი გავიდა. 25 თებერვალს, 15:00 საათზე, ZOOM-ის პლატფორმის გამოყენებით, საბჭოთა ოკუპაციის დღესთან დაკავშირებით, ბათუმის შოთა რუსთაველის სახელმწიფო უნივერსიტეტში გაიმართება დისკუსია თემაზე: „1921 წლის საქართველოს ოკუპაციის ფაქტი ისტორიულ-სამართლებრივ კონტექსტში"