ანონსები

18 თებერვალს, 17:00 საათზე, ბსუ-ს ოფიციალურ ფეისბუქ გვერდზე ონლაინ ღია კარის დღეების ფარგლებში, ტურიზმის ფაკულტეტის დეკანი, პროფესორი როსტომ ბერიძე აბიტურიენტებისთვის გამართავს ონლაინ შეხვედრას. დეკანი როსტომ ბერიძე ისაუბრებს ფაკულტეტის საბაკალავრო საგანმანათლებლო პროგრამებზე, სწავლის პირობებზე, სტიპენდიებსა და გაცვლით პროგრამებზე. პირდაპირი ჩართვისას აბიტურიენტებს შეუძლიათ დასვან შეკითხვები და ფაკულტეტის დეკანისგან მიიღონ დეტალური ინფორმაცია.

16 თებერვალს, 12:00 საათზე, ონლაინ ფორმატში ბათუმის შოთა რუსთაველის სახელმწიფო უნივერსიტეტის სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე ZOOM-ის პლატფორმის გამოყენებით სტუდენტებს საერთაშორისო გაცვლით პროგრამაში მონაწილეობის პირობებს გააცნობს.

15 თებერვალს, 17:00 საათზე, ბსუ-ს ოფიციალურ ფეისბუქ გვერდზე ონლაინ ღია კარის დღეების ფარგლებში, ჰუმანიტარულ მეცნიერებათა ფაკულტეტის დეკანი, პროფესორი მარინე გიორგაძე აბიტურიენტებისთვის გამართავს ონლაინ შეხვედრას.
დეკანი მარინე გიორგაძე ისაუბრებს ფაკულტეტის საბაკალავრო საგანმანათლებლო პროგრამებზე, სწავლის პირობებზე, სტიპენდიებსა და გაცვლით პროგრამებზე.პირდაპირი ჩართვისას აბიტურიენტებს შეუძლიათ დასვან შეკითხვები და ფაკულტეტის დეკანისგან მიიღონ დეტალური ინფორმაცია.

აბიტურიენტთა საყურადღებოდ! ბათუმის შოთა რუსთველის სახელმწიფო უნივერისტეტი 15 თებერვლიდან 26 თებერვლის ჩათვლით ფაკულტეტების მიხედვით ბსუ-ს ოფიციალურ ფეისბუქ გვერდზე გამართავს ონლაინ ღია კარის დღეებს აბიტურიენტებისთვის. ფაკულტეტების დეკანები აბიტურიენტებს გააცნობენ საგანმანთლებლო პროგრამებს, სტუდენტურ სერვისებს, გაცვლით პროგრამებს, სტიპენდიებსა და უნივერსიტეტში სწავლის პირობებს. პირდაპირი ჩართვისას აბიტურიენტებს შეუძლიათ დასვან შეკითხვები და ფაკულტეტის დეკანებისგან მიიღონ საჭირო ინფორმაცია.

17 დეკემბერს, 14:00 საათზე, საერთაშორისო ახალგაზრდული ორგანიზაცია „აისეკი“ ბათუმის შოთა რუსთაველის სახელმწიფო უნივერსიტეტის სტუდენტებისთვის საინფორმაციო შეხვედრას გამართავს. შეხვედრაზე განხილული იქნება აისეკის გაცვლითი პროგრამები და შესაძლებლობები, რომელსაც ახალგაზრდებს ორგანიზაცია სთავაზობს. შეხვედრა ჩატარდება ონლაინ, ზუმის პლათფორმაზე. დასწრების ბმული დარეგისტრირებულ სტუდენტებს გაეგზავნებათ ელექტრონულ ფოსტაზე. სარეგისტრაციო ბმული: https://forms.gle/n4A7JFqZUnNCLMnW8