ბსუ-ში საერთაშორისო კონფერენცია „თარგმანი გარდამავალ პარადიგმაში 7“ გაიხსნა. სამდღიან კონფერენციაში 10 ქვეყნის 40-მდე მკვლევარი მონაწილეობს. ფორუმის მიზანია თარგმანმცოდნეობის კორპუსლინგვისტური ემპირიული კვლევებისა და თანამედროვე მეთოდოლოგიის შესახებ გამოცდილების გაზიარება, ასევე თარგმანისა და ტექნოლოგიების სფეროებში დარგობრივი განვითარება.
ბათუმის შოთა რუსთაველი სახელმწიფო უნივერსიტეტს ნიდერლანდების საგანგებო და სრულუფლებიანი ელჩი საქართველოში მელინე არაკელიანი ეწვია. გაცნობითი ხასიათის შეხვედრაზე ბსუ-ს რექტორის მოვალეობის შემსრულებელმა მერაბ ხალვაშმა უნივერსიტეტის ისტორია, საგანმანათლებლო პროგრამები და კვლევითი პროექტები გააცნო. შეხვედრაზე მხარეებმა ბათუმის სახელმწიფო უნივერსიტეტსა და ნიდერლანდების უმაღლეს საგანმანათლებლო დაწესებულებებს შორის მომავალი თანამშრომლობის პერსპექტივები განიხილეს. დაიგეგმა ერთობლივი გაცვლითი პროგრამებისა და სასწავლო-სამეცნიერო პროექტების განხორცილება.
2-6 სექტემბერს, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის დეკანი, პროფესორი ლევან ჯაყელი და დეკანის მოადგილე სალომე კარალიძე ოფიციალური ვიზიტით მიკოლას რომერის უნივერსიტეტის (ლიეტუვა) სამართლის სკოლაში იმყოფებოდნენ. აღნიშნულ უნივერსიტეტებს შორის თანამშრომლობა 2014 წლიდან დაიწყო, სწორედ თანამშრომლობის 10 წლის აღსანიშნავად განისაზღვრა თანამშრომლობის ახალი მიმართულებები.
ბათუმის შოთა რუსთაველის სახელმწიფო უნივერსიტეტში პირველკურსელთა რეგისტრაცია დაიწყო. რეგისტრაციის პარალელურად სტუდენტები საკონსულტაციო ცენტრში ღებულობენ დეტალურ ინფორმაციას უნივერსიტეტში მოქმედ სამართლებრივ რეგულაციებზე, სწავლის საფასურის გადახდის წესზე, გაცვლით პროგრამებზე, სოციალურ პროექტებზე, სტიპენდიებსა და შემოქმედებით წრეებზე. პირველკურსელთა რეგისტრაცია გრძელდება 19 სექტემბრის ჩათვლით.
ბათუმის შოთა რუსთაველის სახელმწიფო უნივერსიტეტი მათემატიკოსთა კავშირის XIV საერთაშორისო კონფერენციას მასპინძლობს. ექვსდღიან კონფერენციაში საქართველოსა და უცხოეთის უნივერსიტეტებისა და სამეცნიერო-კვლევითი დაწესებულებების 350-მდე მეცნიერი მონაწილეობს. წარმოდგენილი სამეცნიერო მოხსენებები ხელს შეუწყობს ინფორმაციის გავრცელებას, თანამშრომლობის გაძლიერებას, საქართველოში მიმდინარე მათემატიკური კვლევებისა და ქვეყნის ცნობადობის ამაღლებას. საუკეთესო ნაშრომები გამოქვეყნდება საერთაშორისო ჟურნალში „Journal of Mathematical Sciences” (Springer).
