ახალი ამბები

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის საერთაშორისო სამეცნიერო ელექტრონულ ჟურნალ „აღმოსავლეთმცოდნეობის მაცნეს“ (E-ISSN 2720-8168; ISSN 2587-490X) საერთაშორისო სამეცნიერო ინდე-ქსირების (ISI)/International Scientific Indexing ბაზაში მიენიჭა იმპაქტ ფაქტორის - 2.012 კოეფიციენტი (2024-2025). საერთაშორისო სამეცნიერო ჟურნალი აღმოსავლეთმცოდნეობის მაცნე დაარსდა 2018 წელს ბსუ-ს ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის ბაზაზე.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ცნობილი მეცნიერისა და მრავალი თაობის აღმზრდელის, ფსიქოლოგიის დეპარტამენტის ემერიტუს-პროფესორის, გურამ ჩაგანავას გარდაცვალების გამო. დიდია ბატონი გურამის ღვაწლი ქართული ფსიქოლოგიური სკოლის განვითარებაში, მის სახელს უკავშირდება უნივერსიტეტში ფსიქოლოგიის მიმართულების ჩამოყალიბება, საბაკალავრო და სამაგისტრო პროგრამების განხორციელება, დღესაც ფსიქოლოგია წარმოადგენს ერთ-ერთ მოთხოვნად სპეციალობას და ყოველწლიურად მაღალი კონკურენციის პირობებში კომპლექტდება.

ბსუ-ს სტრატეგიული განვითარებისა და საერთაშორისო ურთიერთობების დეპარტამენტის ინიციატივით გაიმართა შეხვედრა ბსუ-ში შემოდგომის სემესტრში გაცვლითი პროგრამებით მყოფ სტუდენტებთან. შეხვედრაზე ვიძემეს (ლატვია), ასტანის ყაზგუსა და აქტობეს ჟუბანოვის (ყაზახეთი) უნივერსიტეტების 7 სტუდენტს სერტიფიკატები გადაეცა.

გაგაცნობთ განათლების ხარისხის განვითარების ეროვნული ცენტრის განცხადებას EQAR-ში რეგისტრაციის გაუქმებასთან დაკავშირებით.

„საქართველოს განათლების ხარისხის განვითარების ეროვნულმა ცენტრმა 2023 წელს რეგისტრაციის განახლების მიზნით მიმართა EQAR-ს. ჯერ ოფიციალური გადაწყვეტილება არ გამოქვეყნებულა, თუმცა, ვიცით, რომ უმაღლესი განათლების ხარისხის განვითარების დამოუკიდებელი სააგენტოების ევროპულმა რეესტრმა (EQAR), 2023 წელს არსებული ხარვეზის საფუძველზე, მიიღო გადაწყვეტილება ცენტრისთვის რეგისტრაციის შეჩერების თაობაზე.

გვსურს, საზოგადოებას მივაწოდოთ ინფორმაცია ENQA-ს და EQAR-ის წევრობის სტატუსის თაობაზე. მოგეხსენებათ, განათლების ხარისხის განვითარების ეროვნული ცენტრი არის უმაღლესი განათლების ხარისხის უზრუნველყოფის ევროპული ასოციაციის (ENQA) სრული წევრი და ასევე დარეგისტრირებულია უმაღლესი განათლების ხარისხის განვითარების დამოუკიდებელი სააგენტოების ევროპულ რეესტრში (EQAR).