2024 წელს შავი ზღვის აუზის გრანტების პროგრამის (Interreg Next Black Sea) ფარგლებში, რომელიც ევროკავშირის ფინანსური მხარდაჭრით ხორციელდება, გამოვლინდა გამარჯვებული პროექტი CARE SEA- „თანამშრომლობა და ინფორმირებულობა დაბინძურებისგან თავისუფალი და ეკოლოგიურად მდგრადი შავი ზღვისთვის“ (Cooperation and Awareness for Pollution-free and Environmentally Sustainable Black Sea) - CARE SEA.
სიხარულით გაცნობებთ, რომ ბათუმის შოთა რუსთაველის სახელმწიფო უნივერსიტეტი უმაღლესი განათლების სფეროში შესაძლებლობების გაძლიერების (CBHE) 4 გამარჯვებული პროექტის მონაწილეა! 2024 წელს ევროკავშირის საგრანტო კონკურსში - უმაღლესი განათლების სფეროში შესაძლებლობების გაძლიერება (CBHE) - საქართველოს მონაწილეობით/კოორდინატორობით 11 გამარჯვებული პროექტი გამოვლინდა. მათგან 4 პროექტში ჩართულია ბათუმის შოთა რუსთაველის სახელმწიფო უნივერსიტეტი: SECURE; EDAGA; EU-AGM; OPTIFY.
ბსუ-ში ჰუმანიტარულ მეცნიერებათა ფაკულტეტის ორგანიზებით, „ქართული ლიტერატურისა და ლიტერატურული პროცესის შემსწავლელი ბათუმის მესამე სეზონური სკოლა - 2024“ ტარდება თემაზე: „თანამედროვე ქართული რომანი (ავტორი-ტექსტი-კონტექსტი)“. საზაფხულო სკოლა გახსნეს და მონაწილეებს მიესალმნენ საზაფხულო სკოლის ხელმძღვანელი, ბსუ-ს პროფესორი ნანა ტრაპაიძე, ჰუმანიტარულ მეცნიერებათა ფაკულტეტის დეკანი თეონა ბერიძე და მწერალი ვალერი ოთხოზორია. 18-22 ივლისს, სკოლის ფარგლებში, ჩატარდება ლექციები და სემინარები თანამედროვე ქართული რომანის აქტუალურ საკითხებზე. სხვადასხვა უნივერსიტეტის სტუდენტები გაეცნობიან ავტორებს, მკვლევრებს, იმუშავებენ ტექსტებზე და თემატური ჩარჩოს ფარგლებში განიხილავენ ლიტერატურის თანამედროვე პრობლემებს.
ბსუ საერთაშორისო პროექტის „ინოვაცია, ინკლუზიური განათლება და ხარისხი" ფარგლებში გამართულ საერთაშორისო საზაფხულო სკოლას „ინტერსექტორული თანამშრომლობა, ტექნოლოგიების ტრანსფერი და ინოვაცია“ მასპინძლობს. სამდღიანი საზაფხულო სკოლა გახსნეს და მონაწილეებს მიესალმნენ საქართველოს განათლების, მეცნიერებისა და ახალგაზრდობის მინისტრის მოადგილე ნოდარ პაპუკაშვილი, პროექტის „ინოვაცია, ინკლუზიური განათლება და ხარისხი" აღმასრულებელი დირექტორი თამარ სანიკიძე, ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში, ბათუმის სახელმწიფო საზღვაო აკადემიის რექტორი მურთაზ დევაძე და ლონდონის საუნივერსიტეტო კოლეჯის (UCL) პროფესორი ტატიანა ფუმასოლი.
ბსუ-ს „სტუდენტთა სამეცნიერო კონფერენცია - 2024-ის“ გამარჯვებულ სტუდენტთა დაჯილდოება გაიმართა. უნივერსიტეტის რექტორმა მერაბ ხალვაშმა, რექტორის მოადგილე თამარ სირაძემ და ფაკულტეტების დეკანებმა კონფერენციის მონაწილეებს გამარჯვება მიულოცეს და სერტიფიკატები გადასცეს. სტუდენტური კონფერენციის 28 სექციის 83 მონაწილე საპრიზო (I, II, III) ადგილის მფლობელი გახდა. ახალგაზრდა მკვლევართა ნაშრომები უნივერსიტეტის პროფესორ-მასწავლებლებმა შეაფასეს. კონფერენციის ფარგლებში გამოიცემა კრებული, რომელშიც თითოეული სექციის სამი საუკეთესო სამეცნიერო მოხსენება დაიბეჭდება, ასევე ფულადი ჯილდო გადაეცემა საპრიზო ადგილზე გასულ ყველა სტუდენტს.
