ახალი ამბები

ბსუ საერთაშორისო პროექტის „ინოვაცია, ინკლუზიური განათლება და ხარისხი" ფარგლებში გამართულ საერთაშორისო საზაფხულო სკოლას „ინტერსექტორული თანამშრომლობა, ტექნოლოგიების ტრანსფერი და ინოვაცია“ მასპინძლობს. სამდღიანი საზაფხულო სკოლა გახსნეს და მონაწილეებს მიესალმნენ საქართველოს განათლების, მეცნიერებისა და ახალგაზრდობის მინისტრის მოადგილე ნოდარ პაპუკაშვილი, პროექტის „ინოვაცია, ინკლუზიური განათლება და ხარისხი" აღმასრულებელი დირექტორი თამარ სანიკიძე, ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში, ბათუმის სახელმწიფო საზღვაო აკადემიის რექტორი მურთაზ დევაძე და ლონდონის საუნივერსიტეტო კოლეჯის (UCL) პროფესორი ტატიანა ფუმასოლი.

ბსუ-ს „სტუდენტთა სამეცნიერო კონფერენცია - 2024-ის“ გამარჯვებულ სტუდენტთა დაჯილდოება გაიმართა. უნივერსიტეტის რექტორმა მერაბ ხალვაშმა, რექტორის მოადგილე თამარ სირაძემ და ფაკულტეტების დეკანებმა კონფერენციის მონაწილეებს გამარჯვება მიულოცეს და სერტიფიკატები გადასცეს. სტუდენტური კონფერენციის 28 სექციის 83 მონაწილე საპრიზო (I, II, III) ადგილის მფლობელი გახდა. ახალგაზრდა მკვლევართა ნაშრომები უნივერსიტეტის პროფესორ-მასწავლებლებმა შეაფასეს. კონფერენციის ფარგლებში გამოიცემა კრებული, რომელშიც თითოეული სექციის სამი საუკეთესო სამეცნიერო მოხსენება დაიბეჭდება, ასევე ფულადი ჯილდო გადაეცემა საპრიზო ადგილზე გასულ ყველა სტუდენტს.

ბათუმის შოთა რუსთაველის სახელმწიფო უნივერსიტეტმა რექტორთა საბჭოს მორიგ სხდომას უმასპინძლა. რექტორთა საბჭოს სხდომა საქართველოს განათლების, მეცნიერებისა და ახალგაზრდობის მინისტრის გიორგი ამილახვარის ხელმძღვანელობით გაიმართა, რომელშიც მონაწილეობა სახელმწიფო და კერძო უნივერსიტეტების რექტორებმა და წარმომადგენლებმა მიიღეს. საბჭოს ფარგლებში მონაწილეებმა სხვადასხვა მნიშვნელოვან თემაზე იმსჯელეს.

27-28 ივნისს, ქალაქ ბუქარესტში (რუმინეთი) ფრანკოფონიის საუნივერსიტეტო სააგენტოს (AUF) ორგანიზებით გაიმართა ცენტრალური და აღმოსავლეთ ევროპის რექტორთა რეგიონული (C2R-ECO) და სამეცნიერო დიპლომატიის კონფერენციები. ყოველწლიური რექტორთა რეგიონული კონფერენცია მიეძღვნა ცენტრალურ და აღმოსავლეთ ევროპაში ფრანკოფონიის საუნივერსიტეტო სააგნეტოს (AUF) 30 წლისთავს.

ბათუმის შოთა რუსთაველის სახელმწიფო უნივერსიტეტს გაერთიანებული ერების ორგანიზაციის ლტოლვილთა უმაღლესი კომისრის წარმომადგენელი საქართველოში UNHCR-ის წარმომადგენლებთან ერთად ეწვია. ბსუ-ს რექტორთან, მერაბ ხალვაშთან, იურიდიული და სოციალურ მეცნიერებათა ფკულტეტის დეკანთან, ლევან ჯაყელთან და ბსუ-ს სტრატეგიული განვითარებისა და საერთაშორისო ურთიერთობების დეპარტამენტის უფროსთან, მარინა გიორგაძესთან გამართულ შეხვედრაზე კემლინ ფურლიმ უნივერსიტეტთან თანამშრომლობის პერსპექტივებზე უსაუბრა. მხარეთა შეთანხმებით, პირველ ეტაპზე იურიდიული და სოციალურ მეცნიერებათა ფაკულტეტის სტუდენტებისათვის შემუშავდება დევნილთა საერთშორისო სამართლის სასწავლო კურსი და გადამზადდება შესაბამისი აკადემიური პერსონალი. შეხვედრაზე დაიგეგმა ბსუ-სა და UNHCR-ს შორის თანამშრომლობის მემორანდუმის გაფორმება.