ინგლისური ფილოლოგიის გაცვლითი პროგრამის სტუდენტებმა ყაზახეთიდან ჰუმანიტარულ მეცნიერებათა სტუდენტებისათვის პრეზენტაცია გამართეს, რომელიც ყაზახეთის დამოუკიდებლობის 25-ე წლისთავს მიუძღვნეს. სტუდენტებმა ასელ ბოკენმა, ამინა ხამითმა და ზაინულა აიგერიმმა ყაზახეთის ისტორიაზე, ეროვნულ იდენტობაზე, ღირსშესანიშნაობებსა და კულტურული ცხოვრების შესახებ ისაუბრეს.

ფრანკფურტის გოეთეს სახელობის უნივერსიტეტი (გერმანია) ივანე ჯავახიშვილის სახელობის თბილისის სახელმწიფო უნივერსიტეტთან და ბათუმის შოთა რუსთაველის სახელმწიფო უნივერსიტეტთან თანამშრომლობით აცხადებს კონკურსს საერთაშორისო სადოქტორო პროგრამისთვის „დიგიტალური ჰუმანიტარია“ დოქტორანტობის კანდიდატების შესარჩევად და მოსამზადებლად.

მასწავლებელთა გაცვლითი პროგრამის- „Agir ABCD”- ის ფარგლებში, ბათუმის შოთა რუსთაველის სახელმწიფო უნივერსიტეტს ფრანგი მასწავლებელი ოდეტ ბონო ეწვია. მოწვეული მასწავლებელი სამი თვის განმავლობაში პრაქტიკულ მეცადინეობებსა უტარებს ენებისა და საინფორმაციო ტექნოლოგიების ცენტრის ფრანკოფონ სტუდენტებს.

სავლე წერეთლის ფილოსოფიის ინსტიტუტის დაარსებიდან 70 წლის თავთან დაკავშირებით, ბსუ-ში ინსტიტუტის სამეცნიერო პუბლიკაციების შესახებ საინფორმაციო გასვლითი შეხვედრა გაიმართა. შეხვედრას, რომლის მიზანი ფილოსოფიური კვლევების პოპულარიზაცია იყო, ბსუ-ს ჰუმანიტარულ მეცნიერებათა ფაკულტეტის პროფესორები და ფილოსოფიის სპეციალობის სტუდენტები ესწრებოდნენ.

ბათუმის შოთა რუსთაველის სახელმწიფო უნივერსიტეტს თბილისში საფრანგეთის საელჩოსა და ფრანგული ინსტიტუტის ატაშე საუნივერსიტეტო და სამეცნიერო საკითხებში ტერი ბურტე ეწვია. ვიზიტი გაცნობით ხასიათს ატარებდა. ახლად დანიშნული ატაშე უნივერსიტეტის რექტორს, ჰუმანიტარულ მეცნიერებათა ფაკულტეტის დეკანს, ფრანგული დეპარტამენტის პროფესორ-მასწავლებლებს და ტურიზმის ფაკულტეტის დეკანს შეხვდა. შეხვედრაზე რექტორმა ვრცლად ისაუბრა საქართველო-საფრანგეთის ურთიერთობებზე, საუნივერსიტეტო თანამშრომლობაზე და მზაობა გამოთქვა მომავალი თანამშრომლობისათვის.