9-10-11 დეკემბერს, თბილისის ივ. ჯავახიშვილის სახელმწიფო უნივერსიტეტშიტრენინგი გაიმართა თემაზე: „ ფრანგული, როგორც სპეციალობის ენა“ – FOS. სამუშაო შეხვედრაში მონაწილეობა მიიღეს ბსუ-ს ჰუმანიტარულ მეცნიერებათა ფაკულტეტის პროფესორმა ნატალია სურგულაძემ და მასწავლებელმა თამარ მაჭუტაძემ. ტრენინგი ფრანკოფონიის საუნივერსიტეტო სააგენტოს თბილისის ფრანკოფონიის ციფრული კამპუსის მიერ იყო ორგანიზებული და მას ფილოლოგიის მეცნიერებათა დოქტორი ქეთევან ჯაში უძღვებოდა.

ვარშავის უნივერსიტეტის აღმოსავლეთ ევროპის შესწავლის ცენტრში წმ. გრიგოლ ფერაძის ხსოვნისადმი მიძღვნილი მე-15 საერთაშორისო კავკასიური სესია გაიმართა. : "ქართული ცივილიზაცია ანტიკური ხანიდან შუა საუკუნეებამდე - ისტორია, ლიტერატურა, ხელოვნება", სადაც ბსუ-ს ასოც. პროფ. ემზარ კახიძემ, პროფ. შოთა მამულაძესთან თანაავტორობით წარმოადგინა მოხსენება: "რომაული და ბიზანტიური ციხეების დაზვერვა სამხრეთ-აღმოსავლეთ შავი ზღვისპირეთში".

ბსუ-ს დოქტორანტი, იუნესკოს სტიპენდიანტი კახაბერ ქამადაძე, პოლონეთის დედაქალაქ ვარშავაში იმყოფებოდა, სადაც მონაწილეობა მიიღო იუნესკოს პროგრამით განხორციელებულ სხვადასხვა ღონისძიებაში. ვიზიტის მიზანს ვარშავის უნივერსიტეტისა და არქეოლოგიის ინსტიტუტის ბიბლიოთეკებში დაცულ მდიდარ არქეოლოგიურ ლიტერატურაზე მუშაობა წარმოადგენდა. ასევე, უნივერსიტეტის არქეოლოგიის ინსტიტუტში, ჩატარებულ სემინარებსა და ვორქშოპებში მონაწილეობა და პოლონელი კოლეგების გამოცდილების გაზიარება.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის პროფესორი მამია ფაღავა მეცნიერებათა ეროვნულმა აკადემიამ საპატიო სიგელით დააჯილდოვა. სამეცნიერო ჯილდო პროფესორ ფაღავას ფილოლოგიის დარგში სამეცნიერო მიღწევებისათვის, იუნესკოს მიერ დაწესებული მსოფლიო დღესთან დაკავშირებით გადაეცა.

საქართველოს ფრანგული ინსტიტუტის ეგიდით, ლინგვისტური და საგანმანათლებლო პროგრამების კოორდინატორმა ქეთევან ქურციკიძემ ჩაატარა ტრენინგი-ატელიე ფრანგული ენის მასწავლებლებისათვის.

ტრენინგს ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებთან ერთად ბათუმის კერძო და საჯარო სკოლების მასწავლებლები ესწრებოდნენ. ორდღიან სამუშაო შეხვედრაზე განიხილეს შემდეგი საკითხები: ენების ევროპული ჩარჩოს მოდელი და კომპეტენციები, DELF/DALF-ის გამოცდების სპეციფიკა, განახლებული მედიათეკისა და კულტუროთეკის რესურსები და სასარგებლო ბმულები ფრანგული ენის შესასწავლად.