ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის აკადემიური და ადმინისტრაციული პერსონალისათვის ჩატარდა ტრენინგი. სწავლებას უძღვებოდა საარჩევნო სისტემების განვითარების, რეფორმირებისა და სწავლების ცენტრის წარმომადგენელი დავით თოდრია. შეხვედრის ფარგლებში მსმენელები ხმის მიცემის განახლებულ პროცედურებს, საარჩევნო კოდექსში შესული ცვლილებებსა და სხვა სიახლე გაეცნენ.
საქართველოს მედიატორთა ასოციაციის თავმჯდომარემ, პროფესორმა ირაკლი ყანდაშვილმა ბათუმის შოთა რუსთაველის სახელმწიფო უნივერსიტეტის სამართალმცოდნეობის საბაკალავრო საგანმანათლებლო პროგრამის სტუდენტებისათვის საჯარო ლექცია წაიკითხა თემაზე: „მედიაცია - ახალი დავის გადაწყვეყის მექანიზმი/ახალი შესაძლებლობები“. მომხსენებელმა მსმენელებს გააცნო დავის გადაწყვეტის მექანიზმი მედიაცია, რომელიც სამოქალაქო კატეგორიის დავის მხარეებს აძლევს საშუალებას, მიმდინარე დავა დაასრულონ შეთანხმებით და კონფლიქტი ამოწურინ მათ ინტერესზე მორგებული ორმხრივად სარგებლიანი მათი (უშუალოდ მხარეების) მიერ მიღებული გადაწყვეტილებით. მედიაციის გამოყენებით დავის შეთანხმებით დასრულება მოდავე მხარეებს აძლევს შესაძლებლობას დაზოგონ დროითი და ფინანსური ხარჯი, დაზოგონ ადამიანური რესურსი და გააგრძელონ პირადი თუ საქმინი ურთიერთობა.
ბსუ-ს იურდიული და სოციალურ მეცნიერებათა ფაკულტეტის დეკანმა მონაწილეობა მიიღო ევროპის იურიდიული ფაკულტეტების ასოციაციის ყოველწლიურ კონფერენციასა და სამუშაო შეხვედრებში, რომლებიც ეძღვნებოდა გლობალური იურიდიული განათლების მომავლის საკითხებს. მონაწილეებმა განიხილეს იურდიული განათლების გამოწვევები შეფასებისა და განვითარების ახალი პერსპექტივების კუთხით. გამოიკევთა კონკრეტული პარამეტრები, რომელთა გათვალსიწინება აუცილებელი იქნება იურიდიული მიმართულების საგანმანათლებლო პროგრამების განვითარებისთვის. განსაკუთრებული ყურადღება უნდა დაეთმოს ტექნოლოგიური ელემენტების ინტეგრირებას დარგობრივ სასწავლო კურსებში, ხელოვნური ინტელექტის გამოყენებას სასწავლო პროცესში, ინტერნაცინალიზაციის კუთხით უცხოური ელემენტების რესურსების გამოყენებას საგანამანთლებლო პროგრამების განხორციელებისას.
ბათუმის შოთა რუსთაველის სახელმწიფო უნივერსიტეტში იურიდიული და სოციალურ მეცნიერებათა ფაკულტეტის ასისტენტ პროფესორმა გიგა ფარტენაძემ საჯარო ლექცია წაიკითხა თემაზე: „საქართველოს ევროპული ინტეგრაცია”. მომხსენებელმა ისაუბრა ევროკავშირსა და საქართველოს შორის ურთიერთობის ისტორიული პოსტულატების, ევროკავშირის მიერ მხარდაჭერილი და განხორციელებული განათლების, ჯანდაცვის, სოფლის მეურნეობის, ეკონომიკის, ახალგაზრდული პოლიტიკის და ა.შ. პროექტების საკითხებზე. ლექციას ესწრებოდნენ სხვადასხვა ფაკულტეტის სტუდენტები და სკოლების მოსწავლეები.
ბსუ-ს იურიდიული და სოციალურ მეცნიერებათა ფაკულტეტი USAID სამართლის უზენაესობის პროგრამის მხარდაჭერით, ახორციელებს პროექტს „აჭარის რეგიონში პრაქტიკული სამართლის და კონსტიტუციური მართლმსაჯულების სწავლების ხელშეწყობა“. პროექტის ფარგლებშიც სამართალმცოდნეობის პროგრამაზე დაინერგა პრაქტიკული სამართლის და კონსტიტუციური მართლმსაჯულების კლინიკური სწავლება. სამართალმცოდნეობის პროგრამის IV კურსის სტუდენტებმა პრაქტიკული სამართლის კლინიკის კოორდინატორის, ცირა კომახიძის ხელმძღვანელობით, 2024 წლის 2-11 აპრილს, ხელვაჩაურის მუნიციპალიტეტის ახალსოფლის, ახალშენის N1, დაბა მახინჯაურის და ჩაქვის N1-ლი საჯარო სკოლების X-XI კლასის მოსწავლეებისთვის ჩაატარეს სამართლებრივი გაკვეთილები თემაზე: „კონსტიტუცია და დემოკრატია“.
