14-20 აგვისტოს, ქალაქ ბათუმში, საქართველოს უნივერსიტეტის სამართლის სკოლისა და ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტების ერთობლივი პროექტის ფარგლებში, გაიმართება საზაფხულო სკოლა „კონსტიტუციური მართლმსაჯულების აქტუალური საკითხები". საზაფხულო სკოლაში მონაწილეობა შეუძლია ნებისმიერი ავტორიზებული უნივერსიტეტის სამართლის საბაკალავრო და სამაგისტრო პროგრამის სტუდენტს.
2021 წლის 21 თებერვალს, 12:00 საათზე სამეცნიერო კონფერენცია „საქართველოს პირველი კონსტიტუციის 100 წელი“ გაიხსნება. კონფერენცია ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ორგანიზებით ონლაინ რეჟიმში ტარდება. სამეცნიერო სესიაში მონაწილეობის მისაღებად ეწვიეთ პლატფორმა Zoom-ის შემდეგ მისამართს: https://us02web.zoom.us/j/5276480435
14 სექტემბერს, 12:00 საათზე, ბათუმის შოთა რუსთაველის სახელმწიფო უნივერსიტეტში (509-ე აუდიტორია) კლინიკური ფსიქოლოგიის სამაგისტრო პროგრამაზე ჩარიცხვის მსურველთათვის იურიდიული და სოციალურ მეცნიერებათა ფაკულტეტის პროფესორი გურამ ჩაგანავა საკონსულტაციო შეხვედრას ჩაატარებს.
2020 წლის 10 ნოემბერს, ბათუმის შოთა რუსთაველის სახელმწიფო უნივერსიტეტში გაიმართება საერთაშორისო სამეცნიერო-პრაქტიკული კონფერენცია „დემოკრატიზაცია თანამედროვე მსოფლიოში და საქართველო: მიღწევები, შესაძლებლობები, გამოწვევები და ტენდენციები“. საერთაშორისო კონფერენცია ეძღვნება დემოკრატიზაციის განმსაზღვრელებს: ეკონომიკური (მოდერნიზაცია და განვითარება), სოციალური (წარსული, ტრადიციები და სოციალური ნორმები) და საერთაშორისო ფაქტორებს: საერთაშორისო ინტერვენცია, ევროპეიზაცია.
