3-9 ივნისს ბათუმის შოთა რუსთაველის სახელმწიფო უნივერსიტეტს მიკოლას რომერის უნივერსიტეტის იურიდიული სკოლის დელეგაცია ეწვია სამართლის სკოლის დეკანის, ლირა იაკულევიჩიენეს, დეკანის მოადგილის საერთაშორისო ურთიერთობებისა და კვლევის საკითხებში იოლანთა აპოლევიჩისა და კერძო სამართლის ინსტიტუტის დირექტორის ვირჯინიუს ბიტე შემადგენლობით. ფაკულტეტის დეკანთან, ლევან ჯაყელთან გამართულ შეხვედრაზე დაიგეგმა ორმაგი სამაგისტრო პროგრამების პერსპექტივები საერთაშორისო სამართლისა და საერთაშორისო ბიზნეს სამართლის მიმართულებით. ვიზიტის ფარგლებში, პარტნიორი უნივერსიტეტების იურიდიულ ფაკულტეტებს შორის გაფორმდა თანამშრომლობის მემორანდუმი სამეცნიერო და კვლევითი მიმართულებით. ხელშეკრულება ითვალისწინებს MRU LAB-ის ფარგლებში ერთობლივი კვლევითი ჯგუფების ფრომირებას, კვლევითი გამოცდილების გაზიარებას, ერთობლივი აქტივობების დაგეგმვას.

ბსუ-ს სტუდენტებმა: ლუკა შანიძემ, ბესო შალამბერიძემ და ნინო მარდალეიშვილმა მონაწილეობა მიიღეს საქართველოს იუსტიციის სასწავლო ცენტრისა და წითელი ჯვრის საერთაშორისო კომიტეტის დელეგაციის მიერ დაორგანიზებულ IHL, საერთაშორისო ჰუმანიტარული სამართლის ეროვნულ შეჯიბრში. 2024 წლის 1-8 აპრილის ინტერვალში მონაწილეებს ჩაუტარდათ ტრენინგები საერთაშორისო სამართლით გათვალისწინებულ საკითხებზე. შეჯიბრში რეგისტრირებული 60-მდე გუნდიდან შემდეგ ეტაპი გადავიდა 6 საუკეთესო გუნდი, რისთვისაც პროექტის ორგანიზატორებმა შემთხვევითობის პრინციპით გუნდებს შეურჩიეს საერთაშორისო სამართალთან დაკაშირებილი თემები. ბსუ-ს სტუდენტებისაგან დაკომპლექტებულმა გუნდმა წარმატებით შეასრულა დავალება და ფინალურ ეტაპზე გადავიდა.

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით, ბსუ-ს იურიდიული და სოციალურ მეცნიერებათა ფაკულტეტის ფსიქოლოგიის მიმართულების სტუდენტებთან „ფსიქოლოგიის ისტორიის’’ სასწავლო კურსის ფარგლებში (ხელმძღვანელი ასისტენტ-პროფესორი გურანდა შამილიშვილი) მედიისა და ფსიქოლოგის ურთიერთგავლენის გაცნობიერების მიზნით, სიმულაციური პრაქტიკუმი ჩატარდა. აჭარის რეგიონში საინფორმაციო ცენტრის წარმომადგენელმა ქალბატონმა ირმა გაბინაშვილმა, სტუდენტებს ცენტრის საქმიანობა და მისია გააცნო, ხაზი გაუსვა მასმედიის მიერ დეზინფორმაციის გავრცელების ნეგატიურ კონტექსტებს და ყურადღება გაამახვილა პროპაგანდის მეთოდებსა და ფსიქოლოგიურ ტექნიკებზე.

ბსუ-ს იურიდიული და სოციალურ მეცნიერებათა ფაკულტეტის საჯარო მმართველობის საბაკალავრო სასწავლო პროგრამის სტუდენტები სალექციო კურსის „საარჩევნო სამართლი“ ფარგლებში (სალექციო კურსის ხელმძღვანელი ასისტენტც პროფესორი გიგა ფარტენაძე), გასვლითი ვიზიტით აჭარის ა.რ უმაღლეს საარჩევნო კომისიაში იმყოფებოდნენ. უსკოს თავმჯდომარემ ბატონი პარმენ ჯალაღონიამ და თავმჯდომარის მოდგილემ ნოდარ მელაძე სტუდენტებს გააცნეს საქართველოში 2024 წლის საპარლამენტო და აჭარის ა.რ უმაღლესი საბჭო არჩევნების ელექტრონულად ჩატარების წესი და სპეციფიკა. შეხვედრის დასასრულს, სტუდენტებს შესაძლებლობა ჰქონდათ, მონაწილეობა მიეღოთ იმიტირებულ ელექტრონულ არჩევნებში და პრაქტიკაში ენახათ, თუ როგორი იქნება 2024 წლის 26 ოქტომბერს კენჭისყრის შენობაში ხმის მიცემის პროცედურა.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტს ეწვია ერფურტის რეგიონული სასამართლოს მოსამართლე, არაერთი სამეცნიერო პუბლიკაციის ავტორი, მარტინ ბოროვსკი. გერმანელმა პროფესორმა სამართალმცოდნეობის, საერთაშორისო ურთიერთობებისა და ევროპისმცოდნეობის საბაკალავრო საგანმანათლებლო პროგრამის სტუდენტებისათვის წაიკითხა საჯარო ლექციები თემაზე - "ევროკავშირის სამართალი მოკლედ" პრაქტიკოსი იურისტებისა და პოლიტიკის შემქმნელთათვის; "ევროკავშირის ძირითად უფლებათა ქარტია".