24–26 ივლისს, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სოციალურ მეცნიერებათა დეპარტამენტში სტუმრად იმყოფებოდნენ უკრაინის ქ. ლუცკის ლესია უკრაინკას სახელობის დასავლეთ ევროპის უნივერსიტეტის პედაგოგი ტანია კაჩინსკა და კავკასიის უნივერსიტეტის პროფესორი ირმა ხაჩიძე, რომლებმაც ჩაატარეს სემინარები თემაზე: „Neurocomputing advances on Brain research.“ სემინარის მუშაობაში მონაწილეობდნენ სოციალურ მეცნიერებათა და საზოგადოებრივ და პოლიტიკურ მეცნიერებათა დეპარტამენტების წევრები პროფესორი გურამ ჩაგანავა, ასოცირებული პროფესორები: ქეთევან ბერიძე, რუსუდან ბერიძე, რუსუდან კეჭაყმაძე, ირაკლი მანველიძე, ნატალია ლაზბა, ინეზა ზოიძე, ასისტენტები: შორენა მესხიძე, ეთერ ვარშანიძე, აკადემიური დოქტორი გურანდა შამილიშვილი, მოწვეული მასწავლებელი ციალა ტუღუში, ფსიქოლოგიის სპეციალობის სტუდენტები: მარიამ ჯინჭარაძე, თამარ ჭაღალიძე და ქეთევან ხიმშიაშვილი.

იურიდიული და სოციალურ მეცნიერებათა ფაკულტეტის საზოგადოებრივ და პოლიტიკურ მეცნიერებათა დეპარტამენტის პროფესორ-მასწავლებლებმა ირაკლი მანველიძემ, ლაშა ბაჟუნაიშვილმა, გელა ირემაძემ და გიგა ფარტენაძემ მონაწილეობა მიიღეს საქართველოს რეგიონული განვითარებისა და ინფრასტრუქტურის სამინისტროს ხელშეწყობით გამართულ კონფერენციაში „დეცენტრალიზაციის რეფორმა საქართველოში-სტრატეგია და გამოწვევები“. ღონისძიების მიზანი იყო საქართველოში დეცენტრალიზაციის კუთხით არსებული მდგომარეობის შეფასება, დეცენტრალიზაციის სტრატეგიის მიმართულებების, განხორციელების პრინციპების, დეცენტრალიზაციის სტრატეგიული მიზნების და ამოცანების, სტრატეგიის განხორციელების და მართვის მექანიზმების, მონიტორინგის და შეფასების შესახებ დიალოგის უზრუნველყოფა.

ბათუმის საზღვაო აკადემიისა და გრიგოლ რობაქიძის უნივერისტეტის ასოცირებულმა პროფესორმა, ფილოლოგიის დოქტორმა თამარ დოლიძემ ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სამართალმცოდნეობისა და საერთაშორისო ურთიერთობების საბაკალავრო საგანმანათლებლო პროგრამის სტუდენტებისათვის საჯარო ლექცია წაიკითხა თემაზე: „სიტყვისა და გამოხატვის თავისუფლება საგაზეთო სტატიების წარდგენის გზით“. მომხსენებელმა ავთენტური მასალების (ინგლისურენოვანი საგაზეთო სტატიების) გამოყენებით შემუშავებული პრაქტიკული სახის აქტივობები შესთავაზა და ლექციის დასასრულს დისკუსია გამართა.

ქვედა მახოს დაწყებითი სკოლის (ამჟამად საჯარო სკოლა) კურსდამთავრებულმა, იურიდიული და სოციალური მეცნიერებების ფაკულტეტის პროფესორმა მურმან გორგოშაძემ, საკუთარი ფინანსური მხარდაჭერით 2017 წელს მშობლიური სკოლის მოსწავლეთა სპორტულ შეჯიბრებებში გამარჯვებულთათვის „სკოლის კურსდამთავრებულთა თასი“ და მედლები დააწესა, ხოლო 2018 წელს - სკოლის საუკეთესო მოსწავლისთვის ფულადი ჯილდო. პროფესორმა მურმან გორგოშაძემ „სკოლის კურსდამთავრებულთა თასი“ და მედლები პირველი ადგილისთვის გადასცა მე-6 კლასის მოსწავლეთა გუნდს „მერცხალს“, ხოლო 2018-19 სასწავლო წლის მონაცემებით საუკეთესო მოსწავლისთვის დაწესებული ფულადი ჯილდო და მედალი პირველობისთვის ამავე კლასის მოსწავლეს ელისო შანთაძეს. მოსწავლეებმა სასწავლო წელი კონცერტით და სტუმართან შეხვედრით დაასრულეს.

იურიდიული და სოციალურ მეცნიერებათა ფაკულტეტის სამართალმცოდნეობის სპეციალობის სტუდენტებისათვის კერძო აღმასრულებელმა ალექსანდრე ნათაძემ საჯარო ლექცია წაიკითხა თემაზე: „სააღსრულებო წარმოება და სააღსრულებო მოქმედებები“. მომხსენებელმა მომავალ სამართალდამცავებს სააღსრულებო კანონმდებლობის აქტუალური საკითხები გააცნო. კერძო აღმასრულებელმა ალექსანდრე ნათაძემ ისაუბრა სააღსრულებო წარმოების ფარგლებში აღსასრულებელი დოკუმენტების (სასამართლო და არასასამართლო) აქტების აღსრულებასა და წარმოების პროცედურებზე.