8-12 აპრილს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ლიეტუვას ვიტაუტას მაგნუს უნივერსიტეტის, პოლიტიკური მეცნიერებისა და დიპლომატიის ფაკულტეტის ასოცირებული პროფესორი თომას ბლაშჩაკი იმყოფებოდა. ასოცირებულმა პროფესორმა თომას ბლაშჩაკმა ბსუ-ს იურიდიულ და სოციალური მეცნიერებათა ფაკულტეტის საერთაშორისო ურთიერთობების საბაკალავრო საგანმანათლებლო პროგრამის სტუდენტებისთვის საჯარო ლექცია წაიკითხა ლიეტუვის თანამედროვე საერთაშორისო ურთიერთობების აქტუალურ საკითხებზე, კონკრეტულად ლიეტუვისა და ბელორუსის ურთიერთობაზე.

ბათუმის შოთა რუსთაველის სახელმწიფო უნივერსიტეტი გთავაზობთ ევროკომისიის მიერ დაფინანსებულ „ერაზმუს+"-ის გაცვლით პროგრამას 2024 – 2025 სასწავლო წლის შემოდგომის სემესტრისთვის თესალონიკის არისტოტელეს უნივერსიტეტში https://www.auth.gr/en/ საბერძნეთი.

15-19 აპრილს ბათუმის შოთა რუსთაველის სახელმწიფო უნივერსიტეტს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში სამხრეთ დასავლეთ უნივერსიტეტის „ნეოფიტ რილსკის“ სამეცნიერო და საგანმანათლებლო საქმეთა ხელმძღვანელი, პროფესორი ივანკა სტანკოვა, სამართლისა და ისტორიის ფაკულტეტის დეკანი, საერთაშორისო გაცვლითი პროგრამის (ICM) ინიციატორი სამართლის დარგში პროფესორი გაბრიელა ბელოვა და პროფესორი ფილოსოფიის მიმართულებით ბორის მანოვი ეწვივნენ.

დაიწყო განაცხადების მიღება ერთობლივ სამაგისტრო პროგრამაზე პოლიტიკურ მეცნიერებებში - ინტეგრაცია და მმართველობა (PoSIG). Joint Master PoSIG - სთავაზობს აპლიკანტებს, მიიღონ ერთობლივი სამაგისტრო დიპლომი ევროკავშირის მინიმუმ ერთი პარტნიორი უნივერსიტეტის ჩართულობით. განაცხადის გაკეთება შეუძლია ყველა აპლიკანტს, ვისაც აქვს მიღებული მინიმუმ ბაკალავრის ხარისხი პოლიტიკურ მეცნიერებებში და/ან მჭიდროდ დაკავშირებულ სფეროებში.

ბათუმის შოთა რუსთაველის სახელმწიფო უნივერსიტეტი ბსუ-ს ადმინისტრაციული პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ა. წ. 27-31 მაისს სუჩეავას უნივერსიტეტის (რუმინეთი) საერთაშორისო კონფერენციაში თემაზე: „ Challenges and Opportunities for a Sustainable Development“ მონაწილეობის მისაღებად.

ბათუმის შოთა რუსთაველის სახელმწიფო უნივერსიტეტში გაცვლითი პროგრამების წარდგენა გაიმართა. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსმა მარინე გიორგაძემ, დეპარტამენტის უფროსის მოადგილემ, „ერაზმუს+“-ის კოორდინატორმა ნანა ყურშუბაძემ სხვადასხვა ფაკულტეტის საბაკალავრო, სამაგისტრო და სადოქტორო პროგრამების სტუდენტებს 2024-2025 სასწავლო წლისთვის გამოცხადებული გაცვლითი პროგრამები გააცნეს.

ანკარის უნივერსიტეტის თურქული და უცხო ენების მიღებისა და კვლევის ცენტრი (Ankara University TÖMER) აცხადებს მიღებას თურქოლოგიის საზაფხულო სკოლაში. საზაფხულო სკოლაში მონაწილეობის მიღება შეუძლია კანდიდატებს, რომლებიც სწავლობენ თურქოლოგიის ან თურქული ენისა და ლიტერატურის მიმართულებით, ან ვისაც აქვთ ბაკალავრის, მაგისტრის ან დოქტორანტის დონე და ფლობენ თურქულ ენას მინიმუმ B1 დონეზე. საზაფხულო სკოლა გაგრძელდება 4 კვირის განმავლობაში, 2024 წლის 22 ივლისიდან 16 აგვისტომდე.

ევროპა მასტერი (EUROPA MASTER), რომელსაც ასევე უწოდებენ "ვაიმარის კვლევებს", არის სამი ქვეყნის პარტნიორობით შექმნილი უნიკალური სამაგისტრო პროგრამა ევროპული კვლევების სფეროში, რომელიც გთავაზობთ სამი პარტნიორი უნივერსიტეტის სამი სამაგისტრო დიპლომის მინიჭების შესაძლებლობას, შემდეგ უნივერსიტეტებში: ოპოლეს უნივერსიტეტი (პოლონეთი), იოჰანეს გუტენბერგის უნივერსიტეტი მაინცში (გერმანია) და ბურგუნდიის უნივერსიტეტი დიჟონში (საფრანგეთი).