ბათუმის შოთა რუსთაველის სახელმწიფო უნივერსიტეტს იაპონიის საგანგებო და სრულუფლებიანი ელჩი საქართველოში იშიძუკა ჰიდეკი ეწვია. ბსუ-რექტორის მოადგილეებთან, თამარ სირაძესთნ, ანზორ ბერიძესთან და სტრატეგიული განვითარებისა და საგარეო ურთიერთობათა დეპარტამენტის უფროსთან, მარინე გიორგაძესთან გამართულ გაცნობითი ხასიათის შეხვედრაზე დიპლომატიური კორპუსის წარმომადგენელმა ორ ქვეყანას შორის არსებულ მეგობრულ ურთიერთობებსა და სამომავლო თანამშრომლობის პერსპექტივებზე ისაუბრა. იაპონიის საგანგებო და სრულუფლებიანმა ელჩმა იშიძუკა ჰიდეკმა ასევე წარმოადგინა იაპონიის სამთავრობო საგრანტო პროგრამები და სტიპენდიები. მხარეთა შეთანხმებით, დაიგეგმა ერთობლივი საგანმანათლებლო და სამეცნიერო პროექტების განხორციელება.

ლიეტუვის განათლების, მეცნიერების და სპორტის სამინისტროსთან არსებული გაცვლითი პროგრამების მხარდაჭერის ფონდი აცხადებს ლეტუვის სახელმწიფო სტიპენდიების კონკურსს. ლიეტუვის უმაღლეს საგანმანათლებლო დაწესებულებებში 2024 წლის სასტიპენდიო პროგრამები მიღებას აცხადებს, როგორც სადოქტორო, სამაგისტრო პროგრამებზე, ასევე მოკლევადიან პროგრამებზე ბაკალავრებისათვის. მოკლევადიანი სასწავლო პროგრამების ფარგლებში (ხანგრძლივობა 1 ან 2 სემესტრი) ბაკალავრიატისა და მაგისტრატურის სტუდენტები მიიღებენ ყოველთვიურ სტიპენდიას 550 ევროს ოდენობით, ხოლო დოქტორანტები -1100 ევროს, ასევე, მიიღებენ გრანტს, რომელიც უზრუნველყოფს სწავლის გადასახადის სრულად დაფარვას.

12-15 თებერვალს, თბილისში, ამერიკის შეერთებული შტატების საელჩოს მიერ დაფინანსებული საგრანტო პროგრამის - „უნივერსიტეტების შესაძლებლობების განვითარების პროგრამის“ (UCBP) - ფარგლებში, ოთხდღიანი სემინარი გაიმართა აშშ-სა და საქართველოს შორის კვლევითი თანამშრომლობის შესაძლებლობის გაზრდის საკითხებზე. სემინარებს უძღვებოდნენ უმაღლესი განათლების ექსპერტები აშშ-ის ეროვნული სამეცნიერო აკადემიიდან, ჩიკაგოს, იელის, ციურიხის, კინგს კოლეჯის, და ბეირუთში ამერიკული უნივერსიტეტებიდან. პროგრამას ადმინისტრირებას უწევს საერთაშორისო განათლების ამერიკული საბჭოები აშშ-ის საუნივერსიტეტო კვლევის ადმინისტრატორთა ეროვნულ საბჭოსთან (NCURA) თანამშრომლობით.

ბათუმის შოთა რუსთაველის სახელმწიფო უნივერსიტეტი ბსუ-ს აკადემიური და ადმინისტრაციული პერსონალისთვის აცხადებს ევროკომისიის მიერ დაფინანსებული „ერაზმუს+“- ის გაცვლითი პროგრამის კონკურსს სამსუნის 19 მაისის უნივერსიტეტში, თურქეთი მობილობის განსახორციელებლად 2023-2024 სასწავლო წლის გაზაფხულის სემესტრისთვის (ინფორმაცია იხილეთ დანართში 1).

გამოცხადდა რუმინეთის მთავრობის სტიპენდიები საბაკალავრო, სამაგისტრო და სადოქტორო საფეხურის სტუდენტებისთვის. აპლიკანტებს შეუძლიათ, აირჩიონ მათთვის საინტერესო სასწავლო პროგრამა ყველა სფეროში, გარდა მედიცინისა, სტომატოლოგიური მედიცინისა და ფარმაციისა. ბაკალავრის და მაგისტრატურის სტუდენტებისთვის სასწავლო პროგრამები ხელმისაწვდომია მხოლოდ რუმინულ ენაზე, რაც ხელს უწყობს რუმინული ენისა და კულტურის პოპულარიზაციას. სადოქტორო სტიპენდიის მფლობელებს შეუძლიათ აირჩიონ სწავლა რუმინულ ენაზე ან სასწავლო დაწესებულების მიერ დადგენილ უცხო ენაზე.

2024 წლის 6-8 მაისს 19 მაისის უნივერსიტეტის (თურქეთი) ორგანიზებით გაიმართება ტექნოლოგიების გადაცემის საერთაშორისო სიმპოზიუმი „International Technology Transfer Symposium“. სიმპოზიუმი მოიცავს შემდეგ თემატიკას: საინჟინრო, ფუნდამენტური მეცნიერებები, ჯანდაცვა და სხვა მეცნიერებები.

ბიალისტოკის უნივერსიტეტის საერთაშორისო ურთიერთობათა ოფისი (პოლონეთი) 2024 წლის 3-7 ივნისს იწვევს დაინტერესებულ პირებს საერთაშორისო კვირეულში მონაწილეობის მისაღებად. საერთაშორისო კვირეულში მონაწილეობა შეუძლიათ საერთაშორისო ოფისის თანამშრომლებს, ხარისხის უზრუნველყოფის სამსსახურის თანამშრმლებსა და იმათ, ვინც დაინტერესებული და ჩართულია ინტერნაციონალიზაციის პროცესში.

თბილისის სახელმწიფო უნივერსიტეტსა და ბრიტანულ უნივერსიტეტში, უმაღლესი განათლების ინტერნაციონალიზაციის ხელშეწყობის მიზნით, საერთაშორისო Excellence School-ი ჩატარდა. ღონისძიების თემატიკა მოიცავდა განათლების, ჰუმანიტარული და სოციალური მეცნიერებების მიმართულებით შემდეგ საკითხებს: საპროექტო შეთავაზებების შემუშავება საგრანტო კონკურსებისათვის, საკონკურსო პროექტების მართვის საუკეთესო პრაქტიკები და საკონკურსო პროექტების ფინანსური ასპექტები. საერთაშორისო სკოლაში მონაწილეობდნენ დოქტორანტები და ახალგაზრდა მკვლევრები საქართველოს და საერთაშორისო უმაღლესი საგანმანათლებლო დაწესებულებებიდან. ღონისძიებაში ბსუ-დან ჩართული იყვნენ, სტრატეგიული განვითარებისა და საერთაშორისო ურთიერთობების დეპარტამენტის მთავარი სპეციალისტი ნუნუ ჯაფარიძე, იურიდიული და სოციალურ მეცნიერებათა ფაკულტეტის დეკანის მოადგილე, სალომე კარალიძე და თარგმნისა და ინტერდისციპლინარული კვლევების ცენტრის სპეციალისტი თამთა ნაგერვაძე.