ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის სამეცნიერო საბჭოს გაფართოებული სხდომა გაიმართა. საბჭოს წევრებს მთავარმა მეცნიერ-თანამშრომელმა მარიამ მეტრეველმა ინფორმაცია გააცნო ბელორუსიის რესპუბლიკაში, მინსკის მეხილეობის ინსტიტუტის ბიოტექნოლოგიის განყოფილებაში სტაჟირების შესახებ. გამძლეობის გენეტიკის განყოფილების ხელმძღვანელმა, მთავარმა მეცნიერ-თანამშრომელმა ზოია სიხარულიძემ ბორლაუგის ჟანგების გლობალური ინიციატივის (BGRI) ვორკშოპსა და ხორბლების საერთაშორისო კონფერენციაში მონაწილეობის შედეგები წარმოადგინა.

ფიტოპათოლოგიისა და ბიომრავალფეროვნების ინსტიტუტის სამეცნიერო საბჭოს გაფართოებული სხდომაზე ასევე წარდგენილი იყო ინფორმაცია:

ინფორმაცია მარცვლოვანთა ჟანგებისა და ნაცრების მე-14 საერთაშორისო კონფერენციაში მონაწილეობის შესახებ (მომხს. ქ. ნაცარიშვილი);

ბიოუსაფრთხოებისა და ბიოდაცვის საკითხები ფიტოპათოლოგიისა და ბიომრავალფეროვნების ინსტიტუტში (მომხს. გალინა მეფარიშვილი);

სამეცნიერო ანგარიშებისათვის მზადების შესახებ  (მომხს. მ.მეტრეველი);

2016 წლისათვის სამეცნიერო გეგმების გაფორმების სპეციფიკის შესახებ (მომხს. მ. მეტრეველი; გ. მემარნე);

მიმდინარე საკითხები.