13 დეკემბერს, 17:00 საათზე, ბათუმის შოთა რუსთაველის სახელმწიფო უნივერსიტეტში, 122-ე აუდიტორიაში სტუდენტური პროექტის „ნაცრისფერი რეფლექსიის" წარდგენა გაიმართება. პროექტის ფარგლებში ჰუმანიტარულ მეცნიერებათა ფაკულტეტის III კურსის სტუდენტის ნუკრი დუმბაძის ანალიტიკური, შემეცნებითი, რეფლექსური ხასიათის საავტორო გადაცემა „ნაცრისფერი რეფლექსია“ მომზადდება, რომელიც ინტერნეტსივრცეში განთავსდება.
7 დეკემბერს, 17:00 საათზე, ბათუმის შოთა რუსთაველის სახელმწიფო უნივერსიტეტში, 328-ე აუდიტორიაში ილიას სახელმწიფო უნივერსიტეტის პროფესორის, ფილოსოფოს ლაშა ბაქრაძის საჯარო ლექცია გაიმართება თემაზე: „ტოტალიტარიზმი და ხელოვნება“. ღონისძიება აჭარის ა.რ. განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში ჩატარდება.
3-4-5 დეკემბერს, 14:00 საათზე, ბათუმის შოთა რუსთაველის სახელმწიფო უნივერსიტეტში, 32-ე აუდიტორიაში ფილოლოგიის დოქტორი ცირა ბარბაქაძე წაიკითხავს საჯარო ლექციის ციკლს თემაზე: „ცნობიერების (რ)ევოლუცია და ახალი რიტორიკა“. ღონისძიება აჭარის ა.რ. განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში გაიმართება.
30 ნოემბერს ბათუმის შოთა რუსთაველის სახელმწიფო უნივერსიტეტში, 407-ე აუდიტორიაში, 10:00 საათზე დაიწყება სამდღიანი ტრენინგები თემებზე: „ჯგუფური ფსიქოგანათლება მძიმე ფსიქიკური აშლილობის მქონე პაციენტებისათვის“ და „კოგნიტური ფუნქციების ტრენინგი ფსიქიკური აშლილობების მქონე პაციენტებისათვის“. ექიმი–ფსიქიატრი მარინე კურატაშვილი ჯგუფური ფსიქოგანათლების ტრენინგზე მსმენელებს გააცნობს მძიმე ფსიქიკური აშლილობების მქონე პაციენტებთან ჯგუფური თერაპიის ჩატარების ზოგად წესებს.
