4 აპრილს, 15:00 საათზე, ბათუმის შოთა რუსთაველის სახელმწიფო უნივერსიტეტის სააქტო დარბაზში საქართველოს სახალხო არტისტის ლეო ანთაძის მონო-სპექტაკლი „ბახტრიონი“ გაიმართება. ლეო ანთაძე 64 წელია კოტე მარჯანიშვილის სახელობის სახელმწიფო აკადემიურ დრამატულ თეატრში მოღვაწეობს. მონო-სპექტაკლი მსახიობმა და რეჟისორმა ვაჟა-ფშაველას გარდაცვალებიდან მე-100 წლისთავთან დაკავშირებით პოემის „ბახტრიონის“ მიხედვით მოამზადა.
8 აპრილს, 14:00 საათზე, შოთა რუსთაველის სახელმწიფო უნივერსიტეტში, 55-ე აუდიტორიაში გაიმართება საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის პროფესორ ტარიელ ფუტკარაძის წიგნის „ქართველოლოგიის თანამედროვე გამოწვევები“ წარდგენა. მონოგრაფიაში საარქივო და სხვა დოკუმენტური წყაროების ანალიზის საფუძველზე გაანალიზებულია ლინგვისტური ქართველოლოგიის წინაშე არსებული ხუთი მნიშვნელოვანი გამოწვევა.
21 მარტს, 18:00 საათზე, ბათუმის შოთა რუსთველის სახელმწიფო უნივერსიტეტის 55-ე აუდიტორიაში ბსუ-ს ინტელექტუალური ვიქტორინის „ბსუ-ს ინტელექტუალი“ გაცნობითი ხასიათის თამაში გაიმართება.
15 მარტს, 19:00 საათზე, ბათუმის შოთა რუსთაველის სახელმწიფო უნივერსიტეტის სააქტო დარბაზში ბსუ-ს სტუდენტური თეატრი "თეატრონის" სპექტაკლის "არტ ხელოვნება" პრემიერა გაიმართება.
საქართველოს დემოკრატიული რესპუბლიკის დამფუძნებელი კრების (პარლამენტის) 100 წლის იუბილე ბათუმის შოთა რუსთაველის სახელმწიფო უნივერსიტეტში რამდენიმე ღონისძიებით აღინიშნება. 7 მარტს ბსუ-ს პროფესორ-მასწავლებლები საჯარო ლექციებს წაიკითხავენ და გაიხსნება ფოტოგამოფენა. გამოფენაზე წარმოდგენილი იქნება სტამბულის ქართულ სავანეში დაცული ფოტომასალა და საქართველოს დემოკრატიული რესპუბლიკის დამფუძნებელი კრების ამსახველი ფოტოები.
