20 იანვარს, 15:00 საათზე, ბათუმის შოთა რუსთაველის სახელმწიფო უნივერსიტეტის თავისუფალ სივრცეში (#სარდაფი21) პოეტი რატი ამაღლობელი სტუდენტებისა და პროფესორ-მასწავლებლებისათვის საჯარო ლექციას წაიკითხავს თემაზე: „ევროპა -საქართველოს ტრადიციული არჩევანი“. ღონისძიება ფონდ „ღია საზოგადოება - საქართველოს“ პროექტის - „ევროპა - საქართველოს ტრადიციული არჩევანი“ - ფარგლებში იმართება.
14 იანვარს, 12:00 საათზე, ბათუმის შოთა რუსთაველის სახელმწიფო უნივერსიტეტში საქართველოს სახელმწიფო დროშის დღე რამდენიმე ღონისძიებით აღინიშნება. ბსუ-ს ეზოში საქართველოს სახელმწიფო დროშის აღმართვის ცერემონია გაიმართება და იურიდიული და სოციალურ მეცნიერებათა ფაკულტეტის ასოცირებული პროფესორი ნატალია ლაზბა საჯარო ლექციას წაიკითხავს თემაზე: „დროშების ისტორია“. სახელმწიფო დროშის დღე 14 იანვარს, საქართველოს სახელმწიფო დროშის შესახებ საქართველოს ორგანული კანონის მიღების დღეს აღინიშნება.
10 იანვარს, 14:00 საათზე, ბათუმის შოთა რუსთაველის სახელმწიფო უნივერსიტეტში (55-ე აუდიტორია) ბსუ-ს ნიკო ბერძენიშვილის ინსტიტუტის 60 წლის იუბილესადმი მიძღვნილი საღამო გაიმართება. ღონისძიებაზე წარმოდგენილი იქნება ინსტიტუტის ისტორია და მისი ამსახველი მოკლემეტრაჟიანი ფილმი. საიუბილეო საღამოზე ასევე მოეწყობა ნიკო ბერძენიშვილის ინსტიტუტის ექსპედიციებისა და სხვადასხვა აქტივობათა ამსახველი ფოტოგამოფენა.
2019 წლის 27 ნოემბრიდან 2020 წლის 15 მაისის ჩათვლით საქართველო ევროპის საბჭოს მინისტრთა კომიტეტის თავმჯდომარე ქვეყანაა. ბათუმის შოთა რუსთაველის სახელმწიფო უნივერსიტეტში კონცეფციის „დემოკრატიის გაძლიერება განათლების, კულტურისა და ახალგაზრდობის გზით“ ფარგლებში ევროსაბჭოს ფასეულობებთან დაკავშირებით ჩატარდება ლექციათა ციკლი.
10 დეკემბერს, 15:00 საათზე, ბათუმის შოთა რუსთაველის სახელობის უნივერსიტეტის 534 აუდიტორიაში, იურიდიული და სოციალური მეცნიერებათა ფაკულტეტის იურიდიული კლინიკის ორგანიზებით ჩატარდება საჯარო ლექცია თემაზე: „შრომის უსაფრთხოებაში არსებული ხარვეზები და მათი აღმოფხვრის გზები".ლექციას გაუძღვება აჭარის პროფესიული კავშირების გაერთიანების იურისტი, ადვოკატი ზურაბ ცეცხლაძე.შეხვედრაზე განხილული იქნება ახლად მიღებული ორგანული კანონი „შრომის უსაფრთხოების შესახებ" და კანონპროექტი „შრომის კანონთა კოდექსში შესატანი ცვლილებების შესახებ".
