კონკურსები

ბათუმის შოთა რუსთაველის სახელმწიფო უნივერსიტეტი 2022-2023 სასწავლო წლის გაზაფხულის სემესტრისათვის აცხადებს კონკურსს შოთა რუსთაველისა და ხუსეინ ნაკაიძის საფაკულტეტო სახელობითი სტიპენდიების მოსაპოვებლად. კონკურსში მონაწილეობა შეუძლიათ ბსუ-ს საბაკალავრო, მედიცინის მიმართულებით ერთსაფეხურიანი, დაწყებითი განათლების მასწავლებლის მომზადების ინტერირებული საბაკალავრო-სამაგისტრო და სამაგისტრო საგანმანათლებლო პროგრამების სტუდენტებს. დეტალური ინფორმაცია კონკურსის შესახებ იხილეთ დანართში.

ჰარვარდის უნივერსიტეტის დევისის ცენტრის ქართველოლოგიის პროგრამა აცხადებს კონკურსს ქართველი და ამერიკელი ხელოვანებისთვის. კონკურსის მიზანია 2023 წლის ზაფხულში, ამერიკულ-ქართული კოლაბორაციული პროექტის განხორციელების მიზნით, შეირჩეს 2 პოეტი/მწერალი (ამერიკელი და ქართველი) და 2 მუსიკოსი (ქართველი და ამერიკელი). კონკურსში საბუთების წარდგენის ბოლო ვადაა 21 აპრილი.

ქართველი სტუდენტებისათვის სლოვაკეთის სახელმწიფო აცხადებს კონკურსს სასტიპენდიო პროგრამები 2023-2024 სასწავლო წლისათვის. სლოვაკეთის სახელმწიფოს ეროვნული სტიპენდიის პროგრამაში (National Scholarship Program) განაცხადების წარდგენა შეუძლიათ სტუდენტებს, PhD სტუდენტებს, ასევე უნივერსიტეტის ლექტორებსა და მკვლევრებს. სტუდენტებს და PhD სტუდენტებს შეუძლიათ ასევე განაცხადი გააკეთონ მგზავრობის დაფინანსებაზე.

ბათუმის შოთა რუსთაველის სახელმწიფო უნივერსიტეტი ბსუ-ს საბაკალავრო საგანმანათლებლო პროგრამების სტუდენტებისთვის აცხადებს აჭარის ავტონომიური რესპუბლიკის განათლების, კულტურისა და სპორტის სამინისტროს მიერ დაფინანსებული გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით. უნივერსიტეტების და სასწავლო კურსების ჩამონათვალი იხილეთ (დანართში 1).