კონკურსები

შოთა რუსთაველის საქართველოს ეროვნული სამეცნიერო ფონდი აცხადებს 2023 წლის დოქტორანტურის საგანმანათლებლო პროგრამების დაფინანსების კონკურსს. კონკურსის მიზანია
ინტელექტუალური პოტენციალის განვითარება და მაღალი კვალიფიკაციის სამეცნიერო პერსონალის მომზადება, უმაღლეს საგანმანათლებლო დაწესებულებებში არსებული ინტელექტუალური პოტენციალის მიზნობრივი გამოყენება, სამეცნიერო კვლევისათვის სათანადო პირობების შექმნა, დოქტორანტებისა და უნივერსიტეტების უცხოეთში არსებულ უმაღლეს საგანმანათლებლო და სამეცნიერო-კვლევით დაწესებულებებთან თანამშრომლობა და ამ გზით საქართველოში უმაღლესი განათლების ხარისხის ამაღლება და ახალგაზრდა მეცნიერთა საერთაშორისო სამეცნიერო საზოგადოებაში ინტეგრირება.

გამოცხადდა „ერაზმუს+“-ის გაცვლითი პროგრამის კონკურსი PEERS პროექტის (პორტუგალია) ფარგლებში, საქართველოს მასშტაბით, რომელშიც ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს ეძლევა საშუალება, მიიღოს მონაწილეობა. განაცხადები მიიღება ელექტრონულად მიმღებ უნივერსიტეტებში პირდაპირი წესით - რეგისტრაციის ბოლო დღე 2023 წლის 31 მაისი.

გერმანული აკადემიური გაცვლის სამსახურის (DAAD) მხარდაჭერით სტუდენტებისათვის, ახალგაზრდა მეცნიერებისა და გამომგონებლებისათვის ხორციელდება პროექტი „Falling Walls Lab“. პროექტში მონაწილეობის მსურველებმა უნდა წარმოადგინონ იდეა სულ რაღაც 3 წუთში Science Slam-ის ფარგლებში სახელწოდებით „Falling Walls Lab Tbilisi“, რომელიც 1 ივნისს გაიმართება. გამარჯვებული პროქტი მონაწილეობას მიიღებს „Falling Walls Lab“-ის ფინალურ ტურში, რომელიც 9 ნოემბერს ბერლინში შედგება.