ახალი ამბები

ბსუ-ს 14 სტუდენტი ერაზმუს+ გაცვლითი პროგრამის ფარგლებში ევროპის წამყვან უნივერსიტეტებში სასწავლებლად გაემგზავრება. სხვადასხვა ფაკულტეტის სტუდენტები 2018-2019 სასწავლო წლის გაზაფხულის სემესტრს საფრანგეთის, ავსტრიის, ბულგარეთის, ლიეტუვას, ესპანეთის, გერმანიის და პოლონეთის უნივერსიტეტებში გაივლიან. გარდა ამისა უცხოეთის უნივერსიტეტებს შორის გაფორმებული მემორანდუმის ფარგლებში 6 სტუდენტი ყაზახეთსა და აზერბაიჯანის რესპუბლიკაში გააგრძელებს სწავლას.

ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში, აჭარის ა.რ. განათლების, კულტურისა და სპორტის მინისტრის მოადგილესთან ალექსანდრე დავითაძესთან ერთად, ბსუ-ს სტუდენტთა თავისუფალი და სამეცნიერო პროექტების კონკურსის გამარჯვებულ სტუდენტებს შეხვდა. შეხვედრაზე სტუდენტურ ინიციატივებსა და სამეცნიერო პროექტების მნიშვნელობაზე ისაუბრეს და გამარჯვებულ სტუდენტებს სამახსოვრო საჩუქრები გადასცეს.

ბათუმის შოთა რუსთაველის სახელმწიფო უნივერსიტეტის პროექტები ეროვნული სამეცნიერო ფონდის ფუნდამენტური კვლევებისათვის სახელმწიფო სამეცნიერო გრანტების კონკურსის გამარჯვებულია.

ესტონეთში ოფიციალური ვიზიტის ფარგლებში აჭარის მთავრობის თავმჯდომარე თორნიკე რიჟვაძე ბათუმის შოთა რუსთაველის სახელმწიფო უნივერსიტეტის რექტორთან მერაბ ხალვაშთან ერთად, ტალინის უნივერსიტეტის რექტორს ტიიტ ლანდს, ტალინის ტექნოლოგიური უნივერსიტეტის TalTech-ის ვიცე-რექტორს ჰენდრიკ ვოლთანს და ინოვაციებისა და ბიზნეს ცენტრის „MEKTORY” წარმომადგენლებს შეხვდა.

აჭარის ა.რ. სოფლის მეურნეობის მინისტრი ტიტე აროშიძე ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის აგრარული მიმართულების სტუდენტებს შეხვდა და სამინისტროს 2019 წლის პროგრამის „საგანმანათლებლო და სამეცნიერო პრაქტიკის დანერგვა’’-ანაზღაურებად სტაჟირებასთან დაკავშირებულ კითხვებს უპასუხა.