ბათუმის შოთა რუსთაველის სახელმწიფო უნივერსიტეტში ახალი საბაკალავრო საგანამანთლებლო პროგრამის „საჯარო მმართველობის“ შემუშავების ფარგლებში გაიმართა სამუშაო ჯგუფის შეხვედრა პროგრამის პოტენციურ განმახორციელებელ პირებთან პროგრამის მიზნების, სწავლის შედეგებისა და მისი შეფასების მეთოდების გაცნობის მიზნით. შეხვედრაზე ხაზი გაესვა პროგრამის ინტერდისციპლინურობის მახასიათებლებს, შრომის ბაზრის ანალიზის აუცილებლობას, დამსაქმებელთა ინტერესების გათვალისწინების მნიშვნელობას, უნივერსიტეტის მისიასა და სტრატეგიული განვითარების გეგმას. მუშა ჯგუფმა შეხვედრის მონაწილებს ასევე გააცნო სწავლის გაგრძელების, დასაქმების შესაძლებლობები და სწავლის შედეგების შეფასების გეგმა.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტზე სამართალმცოდნეობის სპეციალობის სისხლის სამართლის მიმართულების IV სასწავლო წლის სტუდენტებმა იმიტირებული, შემაჯამებელი სასამართლო პროცესი ჩაატარეს ნაფიც მსაჯულთა მონაწილეობით. ასოცირებული პროფესორის ომარ ფარტენაძის ხელმძღვანელობით გამართული იმიტირებული პროცესის თავმჯდომარე მოსამართლე ნარგიზ ცეცხლაძე იყო. პროცესზე სტუდენტებმა კრიმინალისტიკისა და ადვოკატირების საფუძვლების სასწავლო კურსების ფარგლებში მიღებული ცოდნა და უნარ-ჩვევები წარმოაჩინეს.

იურიდიულ და სოციალურ მეცნიერებათა ფაკულტეტის საერთაშორისო ურთიერთობების სპეციალობის მესამე სასწავლო წლის სტუდენტები ნათია პაქსაძე და კესო ვანილიში Erasmus+ Credit Mobility-ის გაცვლითი პროგრამის ფარგლებში, ერთი სემესტრის განმავლობაში ზალცბურგის უნივერსიტეტის სოციალური მეცნიერებისა და კულტურის ფაკულტეტზე ისწავლიან. ბათუმის შოთა რუსთაველის სახელმწიფო უნივერსიტეტის სტუდენტები მესამე წელია წარმატებულად მონაწილეობენ პროექტში, რის გამოც გაცვლითი პროგრამა ზალცბურგის უნივერსიტეტის ინიციატივით 2023 წლამდე გაგრძელდება.

საჯარო მმართველობის საბაკალავრო საგანმანთლებლო პროგრამის შემუშავების სამუშაო ჯგუფის ხელმძღვანელმა, ასოცირებულმა პროფესორმა ირაკლი მანველძემ განახორციელა ბაზრის კვლევა და დამსაქმებელთა გამოკითხვა. კვლევა განხორციელდა თვისობრივი კვლევის მეთოდის ინტერვიურების ტექნიკის გამოყენებით. კვლევის სამიზნე ჯგუფები იყვნენ რეგიონის სახელმწიფო და ადგილობრივი თვითმართველობის ორგანოების ხელმძღვანელი პირები. კვლევის შედეგად განისაზღვრა პროგრამის საჭიროებები პროგრამის მიზნების და სწავლის შედეგების განსაზღვრისთვის. დასაქმების ბაზარზე დიდი მოთხოვნაა პრაქტიკული უნარ-ჩვევების მქონე კომპეტენტურ სპეციალისტებზე.

ბათუმის შოთა რუსთაველის სახელმწიფო უნიევრსიტეტში ახალი საბაკალავრო საგანამანთლებლო პროგრამის „საჯარო მმართველობის“ შემუშავების მიზნით და დასაქმების ბაზრის შესასწავლად სამუშაო ჯგუფის კვლევა ჩატარდა. კვლევაში მონაწილეობდნენ აჭარის ა.რ. საკანონმდებლო და აღმასრულებელი ხელისუფლების. კვლევის მიზანი იყო საგანამანთლებლო პროგრამის საჭიროებების დაგენა, პროგრამის საორიენტაციო მიზნების და შედეგების განსაზღვრა. ფოკუს-ჯგუფებსა და ინტერვიუებში მონაწილეებმა წარმოაჩინეს შრომის ბაზრისა და დამსაქმებელთა მოთხოვნები. ქვეყანაში, როგორც სახელმწიფო, ასევე მუნიციპალურ დონეზე, დიდი მოთხოვნაა საჯარო მმართველობის დარგის ისეთ კვალიფიციურ სპეციალისტებზე, რომლებსაც საფუძვლიანად ეცოდინებათ სახელმწიფო და მუნიციპალურ ორგანოთა უფლემამოსილებები, მისი განხორციელების ორგანიზაციულ-მმართველობითი, ინფორმაციულ-მეთოდური თუ კომუნიკაციური უზრუნველყოფა.