იმპერატივი ადამიანთა თანამდევი მოვლენაა. ადამიანი იმპერატიულია როგორც სხვებთან, ისე საკუთარ თავთანაც მიმართებაში. საზოგადოებისთვის მარადი ძალაუფლების საკითხი წყდება მხოლოდ იმპერატიულად. იმპერატივი იმდენი წლისაა, რამდენიც არსებობს საზოგადოება და მეტიც, ბიბლიის თანახმად იმპერატივი წინ უსწრებს ადამინსა და სამყაროს . სხვა საკითხია იმპერატივის მეცნიერული გააზრება. იმპერაივის პრობლემა მეცნიერებაში შექმნა ორი ადამიანის, არისტოტელესა და ი. კანტის, ინტელექტუალურმა იმპერატივებმა, მათაგნ არც ერთს არ აინტერესებდა იმპერატივი. არისტოტელე იკვლევდა აზროვნების ფორმებს, ი.კანტი-ზნეობას, შედეგად გრამატიკამ მიიღო მითი იმპერატივის შესახებ.

შესწავლილია მძიმე ლითონების იონებით, კერძოდ მანგანუმისა და რკინის იონებით დაბინძურებული ბუნებრივი წყლების გაწმენდის შესაძლებლობა მემბრანული ტექნოლოგიით - ელექტროდიალიზით. განხილულია ამ იონების მომატებული რაოდენობის მავნე გავლენა ადამიანის ჯამრთელობაზე და ამავდროულად მნიშვნელობა მრეწველობისათვის. მოდელურ ხუთკამერიან ელექტროდიალიზურ დანადგარზე, რომელიც დაკომპლექტებულია მონოპოლარული MK-40 და MA-40 ტიპის მემბრანებით, შესწავლილია მანგანუმისა და რკინის იონების ელექტრომიგრაციული გადატანის კანონზომიერებები. მანგანუმისა და რკინის ნაერთების შემცველი ბუნებრივი წყლების სხვადასხვა pH-ის პირობებში შესწავლილია ამ იონების გადატანის კინეტიკა კათიონიტურ MK-40 ტიპის მემბრანაში. დადგენილია მანგანუმისა და რკინის იონების განსხვავებული ქცევა ელექტროდიალიზის დროს.

სემინარის თემატიკა მოიცავს ჩერნობილის კატასტროფის ახალ ვერსიებს და მასთან დაკავშირებულ პრობლემატიკას. ასევე, ყურადღება გამახვილებულია მიმდინარე წელს ჩერნობილის კატასტროფასთან დაკავშირებით გადაღებულ ამერიკულ სერიალში განხილულ ფაქტებს. აღნიშნულია, რომ მრავალი დეტალი დამახინჯებულია და არ შეესაბამება სინამდვილეს, თუმცა რეალურად გამოსხივების დოზებთან მიმართებაში მდგომარეობა გაცილებით რთულია, ვიდრე ეს აღნიშნულია ფილმში. სემინარში გარკვეული ნაწილი ეთმობა ჩერნობილში საქართველოდან წარგზავნილ ლიკვიდატორებს, რომლებიც ხელისუფლების წაქეზებით და არარეალური დაპირებებით წახალისებული იყვნენ ჩერნობილის სალიკვიდაციო სამუშაოებში მონაწილეობის მისაღებად.
ოფიციალური სახელისუფლებო ინფორმაციით მთლიანად ჩერნობილის სალიკვიდაციო სამუშაოებში მონაწილეობდა 284 000 ადამიანი. ახალი დადასტურებული ინფორმაციით კი მათი რაოდენობა მილიონზე მეტი იყო, რომელთა უმრავლესობა დღეს ცოცხალი აღარ არის.

ბუნებრივ კომპლექსებზე მძლავრმა ანთროპოგენურმა დატვირთვამ ისედაც რთულ რელიეფურ და კლიმატურ პირობებში გამოიწვია გეოეკოლოგიური წონასწორობის დარღვევა. ამის გამო ბოლო პერიოდში გააქტიურდა მეწყერები, თოვლზვავები, ღვარცოფები, ნიადაგის ეროზია და სხვა. აღნიშნულ პროცესებს ადგილი აქვს, როგორც ზღვისპირა, ასევე შიგა მთიანი აჭარის პირობებში. აჭარაში სულ დაიმეწყრა 177 სოფელი და დამეწყრვის ზონაშია 51 სოფელი. ასევე ქობულეთისა და ხელვაჩაურის რაიონებში რამდენიმე ოჯახმა შეიცვალა საცხოვრებელი ადგილი. ზოგჯერ ფერდობზე ადგილი აქვს ნიადაგის ჩაქცევას (ქობულეთის რაიონი, სოფელი ჩაისუბანი), რის გამო კაპიტალური სახლი იშლება.

სემინარის მიზანია ლიტერატურის რაობის, მისი განვითარების სპეციფიკის პრობლემატიზება ცოდნის სხვადასხვა სისტემაში. ამ საკითხის კვლევას მივუძღვენით რამდენიმეწლიანი შრომა. თქვენ წინაშე წარმოვადგენთ შედეგებს, რომელიც მომზადდა წიგნად - ლიტერატურა ან/და დისკურსი და მზად არის გამსაქვეყნებლად.