სოკოთა კოლექცია, რომელიც მიეკუთნება ფუზარიუმის Fusarium (Hypocreales) გვარს, ჩვენს მიერ პირველად არის გამოვლენილი პომიდორის Lycopersicum esculentum Mill (Solanaceae) ცოცხალ ფოთლებზე, ღეროზე, ფესვებზე და ნაყოფებზე. ფუზარიუმის ახალი სახეობა აღწერილია L. esculentum-ზე აჭარაში, საქართველო. Fusarium sp. nov. აღწერილია, ილისტრირებულია, დახასიათებულია და შედარებულია მონათესავე სახეობებთან.

საქართველოში, მოსახლეობის უმეტესი ნაწილი ტრადიციული საპნის ნაცვლად იყენებს საშხაპე გელებს. არსებობს უამრავი სახეობის, მაგრამ დაბალი ხარისხის საშხაპე გელები, რომლებიც მავნედ მოქმედენ ადამიანის ორგანიზმზე, ამიტომ პრაქტიკულ და სამეცნიერო ინტერესს წარმოადგენდა საშხაპე გელების შედგენილობის განსაზღვრა და მათი ხარისხის დადგენა.

ნაშრომში წარმოდგენილია ახალი მეთოდი, რომელიც სხვადასხვა ტექსტის კლასიფიკაციისა და მათი ანალიზის საშუალებას გვაძლევს. წარმოდგენილი მეთოდი დამყარებულია საკვლევ ტექსტში გამოყენებული სიმბოლოთა წყვილების სიხშირის ანალიზიდან მიღებული შედეგების საფუძველზე, გამოსახულებების გენერირებით და მათი ნეირონული ქსელების მეშვეობით დამუშავებით.
ყოველდღიურად ჩვენ შეხება გვაქვს უამრავი სახის ტექსტურ ინფორმაციასთან. ხშირ შემთხვევაში, ინფორმაციის მიზანმიმართულად გამოყენება მის დამუშავებას მოითხოვს. თუმცა ინფორმაციის დიდი რაოდენობა და მოცულობა ადამიანისთვის გარკვეული სახის პრობლემებს იწვევს, ამიტომ კომპიუტერული რესურსების გამოყენება ამ მიზნით ხშირად ხდება. პრობლემა კი მდგომარეობს იმაში, რომ კომპიუტერისთვის, ადამიანისთვის ცნობადი ენა გაუგებარია. მსგავსი პრობლემების გადაჭრის მიზნით, ბოლო წლებში სულ უფრო და უფრო ვითარდება მანქანური დასწავლის პარადიგმის ერთ-ერთი გამოვლენა-NLP.