დიფერენცირებული სწავლება-ფანჯარა შესაძლებლობების სამყაროში. დიფერენცირებული სწავლების მიზანია: დაეხმაროს შემსწავლელს უნარებისა და შესაძლებლობების მაქსიმალურად გამოვლენაში, რაც ხელს შეუწყობს სტანდარტის შედეგების უკეთ მიღწევას, მიზანმიმართულ ზემოქმედებას საზოგადოების შემოქმედებით, ინტელექტუალურ და პროფესიონალურ პოტენციალზე.

გარემოს დიდ საფრთხეს უქმნის ყოფილი საბჭოთა არმიის მიერ საქართველოს ტერიტორიაზე დატოვებული სამხედრო ნარჩენები, მათ შორის ტოქსიკური ნივთიერებები, ფეთქებადი მასალები და სხვა მავნე ნაერთები. სამხედრო საქმიანობით დაბინძურებული უბნებია ნაომარი ადგილები და პოლიგონები, სამხედრო ქარხნები და საწყობები, დისლოკაციის ადგილები. ეს ტერიტორიები დაბინძურებულია ნიტრო- ჯგუფების შემცველი ფეთქებადი ორგანული ნაერთებით, მინერალური ზეთების შემადგენლობაში შემავალი ნავთობის ნახშირწყალბადებით, ტყვიითა და სხვა მძიმე მეტალებით (Adamia et al., 2003; Khatisashvili et al., 2004).

წარმოდგენილ სემინარში განხილულია ხელოვნური განაყოფიერების ბიოეთიკური და სოციოლოგიური პრობლემები აჭარის რეგიონში. სოციოლოგიური გამოკითხვა სპეციალურად შედგენილი ტესტ-კითხვარით ჩაუტარდა სტუდენტ-ახალგაზრდობას, რათა დაგვედგინა მათი დამოკიდებულება აღნიშნული პრობლემისადმი. გარდა ამისა, განხილულია რეპროდუქციული ტექნოლოგიების მორალურ-ეთიკური და სამართლებრივი საკითხები, სხვადასხვა რეგილიური კონფესიის მიმდევართა (მართლმადიდებელი, პროტესტანტი, ისლამი) შეხედულებები ხელოვნური განაყოფიერებისადმი. გაანალიზებულია ინ ვიტრო განაყოფირებისა და რეპროდუქციული ჯანმრთელობის კლინიკა „ინ ვიტრო“-ს და „ატლას მედიკალ“-ის სტატისტიკური მონაცემები.

კვლევა არის ახალი ცოდნის ძიება, მისი სისტემატური დოკუმენტირება და გაფორმება კვლევის ანგარიშის, სტატიის, პროექტის სახით. ტერმინი „პრაქტიკის კვლევა“ ეკუთვნის კურტ ლევინს, ამერიკელ სოციოფსიქოლოგს, რომელმაც XX საუკუნის 40-იან წლებში საფუძველი ჩაუყარა პრაქტიკის კვლევას, როგორც კვლევის მეთოდს. თავად კურტ ლევინი პრაქტიკის კვლევას უწოდებდა „უფრო ზუსტ მეთოდს სოციალური ცვლილებებისთვის“. იმისათვის, რომ პრაქტიკული კვლევის ჩატარება შევძლოთ, კარგად უნდა გავიაზროთ მისი დანიშნულება საგანმანათლებლო საქმიანობის გაუმჯობესების პროცესში და დავინახოთ ის ნიუანსები, რომლებიც მას ტრადიციული კვლევისგან განასხვავებს.