ბათუმის შოთა რუსთაველის სახელმწიფო უნივერსიტეტის საფინანსო სერვისების პროგრამის სტუდენტებს ამავე მიმართულების საგანმანათლებლო პროგრამის წარმატებულმა კურსდამთავრებულმა და ლიბერთი ბანკის თანამშრომელმა ხატია შამანაძემ ბანკნოტებისა და მონეტების ფორმირებისა და სალაროს გახსნა-დახურვის პროცედურების მასტერკლასი ჩაუტარა. ხატია შამანაძემ სტუდენტებს საკუთარი გამოცდილებაც გაუზიარა და ღონისძიების დასასრულს აქტუალურ შეკითხვებს უპასუხა.

ბათუმის შოთ რუსთველის სახელმწიფო უნივერსიტეტი პროფესიული პროგრამების მართვისა და უწყვეტი განათლების ცენტრის სტუდენტებს ბსუ-ს სტუდენტთა კარიერული განვითარების, კულტურისა და სპორტის დეპარტამენტის წევრები შეხვდნენ და მიაწოდეს ინფორმაცია „ბსუ-ს სტუდენტური დღეები 2023’’-ის შესახებ . სტუდენტური დღეების ფარგლებში სტუდენტები ფაკულტეტების მიხედვით ეჯიბრებიან ერთმანეთს სპორტული, კულტურული და ინტელექტუალური აქტივობების სხვადასხვა სახეობაში. გამარჯვებული სტუდენტები დაჯილდოვდებიან თასებით, ფასიანი პრიზებით და შემეცნებითი საექსკურსიო ტურებით. ყველაზე მეტ სახეობაში გამარჯვებულ ფაკულტეტს კი გადაეცემა „ბსუ-ს სტუდენტური დღეები 2023’’-ის გრან-პრი.

განათლების ხარისხის განვითარების ეროვნული ცენტრის პროფესიული საგანმანათლებლო დაწესებულებების ავტორიზაციის საბჭომ ბათუმის შოთა რუსთაველის სახელმწიფო უნივერსიტეტს ორი პროფესიული საგანმანათლებლო პროგრამის „საექთნო განათლება“ და „აღმზრდელი“ განხორციელების უფლება მიანიჭა. ვულოცავთ სტუდენტებსა და პროფესორ-მასწავლებლებს მნიშვნელოვან წარმატებას!

ბათუმის შოთა რუთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრში პირველი შუალედური შეფასება ჩატარდა. პროფესიული საგანმანათლებლო პროგრამის „საფინანსო სერვისები" სტუდენტების შეფასებაში მონაწილეობა მიიღეს ბსუ-ს პარტნიორი ორგანიზაციების წარმომადგენლებმა და პოტენციურმა დამსაქმებლებმა.

9-11 დეკემბერს, ბსუ-ს პროფესიული პროგრამების მართვისა და უწყვეტი განათლების ცენტრში, პროფესიული უნარების სააგენტოს ორგანიზებითა და მხარდაჭერით, ცენტრის პროფესიული მასწავლებლებისთვის მანანა მახარაშვილმა ტრენინგი „სწავლა სწავლების თანამედროვე მიდგომები პროფესიულ განათლებაში და პროფესიული სტუდენტების მიღწევების შეფასება" ჩაატარა. ტრენინგ-მოდულებზე განხილული იყო მნიშვნელოვანი საკითხები, რომლებიც ცენტრის მასწავლებლების პროფესიულ განვითარებას შეუწყობს ხელს.