ბათუმის შოთა რუსთაველის სახელმწიფო უნივერსიტეტი აცხადებს მიღებას პროფესიული გადამზადების პროგრამაზე „ლაბორატორიული ჯანმრთელობა და უსაფრთხოება“. პროგრამაზე სწავლის მსურველთა რეგისტრაცია განხორციელდება 2022 წლის 18 აგვისტოდან 20 აგვისტოს ჩათვლით, ელექტრონულად, შემდეგ მისამართზე - http://vet.emis.ge. აპლიკანტთა შერჩევის ფორმა: გასაუბრება (ონლაინ) და გამოცდა (ტესტირება).
ბსუ-ს პროფესორ-მასწავლებლებსა და პროფესიული პროგრამების მართვისა და უწყვეტი განათლების ცენტრის ტრენერებს ჩაუტარდათ ტრენერთა ტრენინგი თემაზე „ტრენინგის დაგეგმვა ციფრული ტექნოლოგიების გამოყენებით“. ტრენინგი „ERASMUS+“-ის პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით" (Love Distance) ფარგლებში ჩატარებულ ტრენერთა ტრენინგზე Barcelona-2020 მიღებული გამოცდილების გაზიარების მიზნით ჩატარდა. ტრენინგის მიზანს მსმენელთა IT კომპეტენციების ამაღლება, სასწავლო პროცესში/ტრენინგის დაგეგმვის დროს მრავალფეროვანი ციფრული რესურსების შექმნა-გამოყენების ხელშეწყობა და სხვადასხვა ელექტრონული პლატფორმის/აპლიკაციის გაცნობა წარმოადგენდა.
„ERASMUS+“-ის პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით" (Love Distance) ფარგლებში ბსუ-ს სტუდენტებს ჩაუტარდათ ტრენინგი თემაზე „ციფრული ტექნოლოგიების გამოყენება სასწავლო პროცესში“. ტრენინგის ძირითად მიზანს სტუდენტთა IT კომპეტენციების ამაღლება, სასწავლო პროცესში მრავალფეროვანი ციფრული რესურსების შექმნა-გამოყენების ხელშეწყობა და სხვადასხვა ელექტრონული პლატფორმის/აპლიკაციის გაცნობა იყო. ტრენინგი მონაწილეთა ინტერესების გათვალისწინებით დაიგეგმა და მასში ბსუ-ს ზუსტ მეცნიერებათა და განათლების და იურიდიული და სოციალურ მეცნიერებათა ფაკულტეტების სტუდენტები მონაწილეობდნენ.
ბსუ-ს პროფესიული პროგრამების მართვისა და უწყვეტი განათლების ცენტრში საჯარო სკოლების მასწავლებლებს ჩაუტარდათ ტრენინგი თემაზე „გაკვეთილის სხვადასხვა ეტაპის დაგეგმვა ციფრული ტექნოლოგიების გამოყენებით“. ტრენინგი ევროკავშირის პროექტის Horizon 2020 - „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ (Hubs4Schools) ინიციატივით, ERASMUS+ პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით" (Love Distance) ფარგლებში ჩატარებულ ტრენერთა ტრენინგზე Barcelona-2020 მიღებული გამოცდილების გაზიარების მიზნით ჩატარდა.
ბსუ-ში სამუშაო ვიზიტით „USAID-ის საბაზისო განათლების პროგრამის“ წარმომადგენლები იმყოფებოდნენ. შეხვედრა პროგრამის მიმდინარეობის შესახებ ინფორმაციის გაცვლას და სამომავლო გეგმების დასახვას ეხებოდა. შეხვედრაში ბსუ-დან „USAID-ის საბაზისო განათლების პროგრამის“ განმახორციელებელი ტრენერები მონაწილეობდნენ, რომლებმაც პროგრამის განხორციელების მესამე ეტაპის მიღწევებსა და გამოწვევებზე ისაუბრეს. ასევე, გამოკვეთეს სკოლებისა და ლიდერი მასწავლებლების კონკრეტული საჭიროებები, რაც შეიძლება გათვალისწინებული იქნას პროგრამის მეოთხე ეტაპის დაგეგმვის დროს. შუალედური შეხვედრა მონაწილე ორივე მხარისთვის მნიშვნელოვანი იყო, რადგან ერთი მხრივ პროგრამის წარმომადგენლები გაეცნენ პროგრამის მიმდინარეობის ყველა დეტალს, ხოლო მეორე მხრივ მათ მოისმინეს ტრენერების მოსაზრებები და დამოკიდებულებები პროგრამის თითოეული კომპონენტის მიმართ.
