ბათუმის შოთა რუსთველის სახელმწიფო უნივერსიტეტში ევროკავშირის პროგრამის - „პროფესიული განათლება გადამზადება და დასაქმება/შრომის ბაზარი“ პრეზენტაცია გაიმართა. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური მომსახურების სააგენტოს დასაქმების ხელისშემწყობი პროგრამების დეპარტამენტის უფროსმა მარიამ ბეზარაშვილმა პროფესიული საგანმანათლებლო პროგრამების სტუდენტებს ევროკავშირის მხარდაჭერით შექმნილი დასაქმების ხელშემწყობი სერვისები და პროგრამები გააცნო. პროგრამის წარდგენას უნივერსიტეტის რექტორი მერაბ ხალვაში, საქართველოში ევროკავშირის ელჩი კარლ ჰარცელი, აჭარის ა.რ. ჯანმრთელობისა და სოციალური დაცვის მინისტრი ზაალ მიქელაძე და პროფესორ-მასწავლებლები ესწრებოდნენ.

პროფესიულ საგანმანათლებლო პროგრამებზე სწავლის მსურველებს გთავაზობთ საგამოცდო პროგრამებსა და პროფესიული ტესტირების ნიმუშებს. დეტალური ინფორმაცია იხილეთ შემდეგ მისამართზე: https://naec.ge/#/ge/post/1830

12 ოქტომბერს, 15:00 საათზე, ბათუმის შოთა რუსთველის სახელმწიფო უნივერსიტეტში (328 აუდიტორია) გაიმართება ევროკავშირის პროგრამის „პროფესიული განათლება გადამზადება და დასაქმება/შრომის ბაზარი“ წარდგენა. საქართველოს სოციალური სერვისების სააგენტოსა და ევროკავშირის პროგრამის წარმომადგენლები სტუდენტებს გააცნობენ არსებულ სახელმწიფო სერვისებსა და პროგრამებს.

ბათუმის შოთა რუსთაველის სახელმწიფო უნივერსიტეტი აცხადებს მიღებას შემდეგ მოდულურ პროფესიულ საგანმანათლებლო პროგრამებზე: მეფუტკრე (III საფეხური), ბაგა-ბაღის აღმზრდელი პედაგოგი (IV საფეხური), პრაქტიკოსი ექთანი (IV საფეხური). პროფესიულ საგანმანათლებლო პროგრამებზე სწავლის მსურველებს რეგისტრაციის გავლა შეუძლიათ 2018 წლის 3 ოქტომბრიდან 19 ოქტომბრის ჩათვლით 10:00 დან 17:00 საათამდე.

ბათუმის შოთა რუსთაველის სახელმწიფო უნივერსიტეტმა თაფლის ფესტივალში მიიღო მონაწილეობა. ფესტივალზე ბსუ-ს პროფესიული მოდულური საგანმანათლებლო პროგრამა „მეფუტკრის“ სტუდენტებმა, ლექტორთან მანანა ბოლქვაძესთან ერთად, უნივერსიტეტის ბაზაზე არსებულ საფუტკრე მეურნეობაში წარმოებული თაფლი წარადგინეს. სტუდენტები სასწავლო პრაქტიკის ფარგლებში ფუტკრის მოვლის წესებსა და მეფუტკრეობის პროდუქტების წარმოებას სწავლობენ. ბსუ-ს სტენდმა ვიზიტორების დიდი ინტერესი გამოიწვია, მათ შესაძლებლობა ჰქონდათ დეტალურად გასცნობოდნენ პროფესიული პროგრამის პირობებს და ადგილზე დაეგემოვნებინათ სხვადასხვა სახეობის თაფლი.