6 აპრილს, 19:00 საათზე, ZOOM-ის პლატფორმის საშუალებით, ბსუ-ს ეკონომიკისა და ბიზნესის ფაკულტეტის 25 წლის იუბილესადმი მიძღვნილ ღონისძიებათა ციკლის ფარგლებში გაიმართება ივანე ჯავახიშვილის სახელობის თბილისის სახელმწიფო უნივერსიტეტის პროფესორის, ბსუ-ს საპატიო დოქტორის, აკადემიკოს ვლადიმერ პაპავას საჯარო ლექცია თემაზე „სანქციონომიკა: მსოფლიო ეკონომიკის არქიტექტურის ცვლილება და საქართველოს გამოწვევები“.

ბათუმის შოთა რუსთაველის სახელმწიფო უნივერსიტეტსა და სუპერმარკეტების ქსელ „დეილს’’ შორის თანამშრომლობის მემორანდუმი გაფორმდა. სტუდენტებს შესაძლებლობა ეძლევათ, დასაქმდნენ სუპერმარკეტში და დასაქმების 6-თვიანი პერიოდის გავლის შემდეგ, „დეილი“ წარმატებულ სტუდენტებს დაუფინანსებს სწავლის 25%-ს, ხოლო 1-წლიანი პერიოდის გავლის შემდეგ - 50%-ს. მემორანდუმი ასევე მიზნად ისახავს ახალგაზრდების სტაჟირებას, სასწავლო-საგანმანათლებლო პროექტების განხორციელებას. თანამშრომლობის ფარგლებში, ჩატარდება ერთობლივი სემინარები, ლექციები, კონფერენციები და დისკუსიები.

ბსუ-ს ეკონომიკისა და ბიზნესის ფაკულტეტის ეკონომიკის სპეციალობის მეოთხე კურსის სტუდენტი სალომე ქოქოლაძე ესეების კონკურსის - "საქართველოს ევროპული ინტეგრაცია" მესამე ადგილის პრიზიორი გახდა. კონკურსი ჩატარდა „ეგერია სოლუშენსისა“და კონრად ადენაუერის ფონდის მხარდაჭერით. ეკონომიკისა და ბიზნესის ფაკულტეტი ულოცავს სალომე ქოქოლაძეს გამარჯვებას და წარმატებებს უსურვებს.

ინოვაციური განათლების ცენტრის ორგანიზებით ონლაინ რეჟიმში სასერტიფიკატო ტრენინგი ჩატარდა თემაზე: „კვლევის სწორად დაგეგმვა, განხორციელება და შეფასების ვალიდური მექანიზმები უმაღლეს საგანმანათლებლო დაწესებულებებში". ტრენინგზე განხილული იყო ისეთი მნიშვნელოვანი საკითები, როგორიცაა: როგორ უნდა დაიგეგმოს და განხორციელდეს კვლევითი კომპონენტი უმაღლეს საგანმანათლებლო დაწესებლებებში; როგორ შეიმუშავოს კვლევის შეფასების სამიზნე ნიშნულები; როგორ უნდა განახორციელოს პერსონალის კვლევითი პოტენციალის შეფასების სისტემები; როგორ განხორციელდეს კვლევის კომერციალიზაციის პოტენციალის განვითარება უსდ-ებში.

ბსუ-ს ეკონომიკისა და ბიზნესის ფაკულტეტის ექვსი პირველკურსელი: აბულაძე ირაკლი, ზაქარეიშვილი ლიზი, სიხარულიძე ანა, სურმანიძე ირაკლი, ხოზრევანიძე საბა, ლეჟავა ზური პირველივე სემესტრში სტიპენდიანტები გახდნენ. ახალგაზრდებმა 2021 წლის ერთიან ეროვნულ გამოცდებზე აბიტურიენტის განაცხადში პირველ ნომრად მიუთითეს ბათუმის შოთა რუსთაველის სახელმწიფო უნივერსიტეტის საგანმანათლებლო პროგრამები, დამატებით გამოცდაზე მიიღეს ყველაზე მაღალი სკალირებული ქულა და მათ შემოდგომის სემესტრში გადაეცათ პირველსემესტრელის სტიპენდია. ფაკულტეტის ადმინისტრაცია და პროფესორ-მასწავლებლები სტუდენტებს ულოცავენ სტიპენდიის მოპოვებას და უსურვებენ წარმატებებს.