ბსუ-ს ეკონომიკისა და ბიზნესის ფაკულტეტის 25 წლის იუბილესადმი მიძღვნილ ღონისძიებათა ციკლის ფარგლებში ჩატარდა კრაკოვის ეკონომიკური უნივერსიტეტის ასოცირებული პროფესორის, დოქტორი, აგნეშკა გლოდოვსკას საჯარო ლექცია. მოხსენება შეეხებოდა საერთაშორისო მეწარმეობას, სამეწარმეო ინტერნაციონალიზაციას, ფინანსური ბაზრების ანალიზს და რისკები საერთაშორისო ბიზნესში. მომხსენებელმა განიხილა მიმდინარე პერიოდის ეკონომიკური და პოლიტიკური საკითხები და შეაფასა სამომავლო რისკები. საჯარო ლექციას ესწრებოდნენ ბსუ-ს აკადემიური და სამეცნიერო პერსონალი, ფაკულტეტის წარმომადგენლები, სტუდენტები და საკითხით დაინტერესებული პირები.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის 25 წლის იუბილისადმი მიძღვნილ ღონისძიებათა ციკლის ფარგლებში, ეკონომიკისა და ბიზნესის ფაკულტეტის პროფესორმა ვაჟა ვერულიძემ, წაიკითხა საჯარო ლექცია თემაზე: „ევროკავშირთან გაფორმებული ასოცირების შეთანხმების გავლენა ექსპორტისა და ეკონომიკის ზრდაზე“.

თსუ-ს ტურიზმისა და მასპინძლობის მენეჯმენტის კათედრის ხელმძღვანელმა, პროფესორმა იოსებ ხელაშვილმა საჯარო ლექცია ჩაატარა თემაზე „ტურიზმის მდგრადი განვითარების გამოწვევები საქართველოში“. მომხსენებელმა ისაუბრა მდგრადი განვითარების საკითხების ძირითად პრინციპებზე; გლობალურ ტურისტულ ბაზარზე მოთხოვნისა და მიწოდების დივერსიფიკაციის სპეციალიზაციაზე; ინოვაციური ტექნოლოგიების პოპულარიზაციაზე და სხვა აქტუალურ საკითხებზე. ლექციას ესწრებოდნენ ეკონომიკისა და ბიზნესის ფაკულტეტის ლექტორ-მასწავლებლები, სტუდენტები და საკითხით დაინტერესებული პირები.

ბსუ-ს ეკონომიკისა და ბიზნესის ფაკულტეტის 25 წლის იუბილესადმი მიძღვნილ ღონისძიებათა ციკლის ფარგლებში ჩატარდა კრაკოვის ეკონომიკის უნივერსიტეტისა და ლოძის სოციალურ მეცნიერებათა უნივერსიტეტის პროფესორის, კრისტოფ ვოჩის საჯარო ლექცია. მომხსენებელმა განიხილა საერთაშორისო ბიზნესის კვლევის მიმდინარე და მომავალი ტენდენციები მათ შორის, ცვლილებები საერთაშორისო ბიზნესის კვლევის მეთოდოლოგიაში, საერთაშორისო ბიზნესის კვლევის განვითარება ეკონომიკისა და მენეჯმენტის სხვადასხვა ეტაპზე და სხვა.

ბსუ-ს ეკონომიკისა და ბიზნესის ფაკულტეტის 25 წლის იუბილისადმი მიძღვნილი ღონისძიებათა ციკლის ფარგლებში, ეკონომიკურ მეცნიერებათა დოქტორმა, „პრესტიჟ აუდიტის” მმართველი პარტნიორის, საქართველოს პროფესიონალ ბუღალტერთა და აუდიტორთა ფედერაციის აჭარის ფილიალის დირექტორმა მაია ფეიქრიშვილმა საჯარო ლექცია ჩაატარა თემაზე: „აუდიტის მეთოდოლოგია და პროფესიული პასუხისმგებლობა“. მომხსენებელმა მსმენელებს გააცნო აუდიტის ჩატარების მეთოდოლოგია, კერძოდ აუდიტის დაგეგმვის ეტაპი, პროცედურები და მოსამზადებელი დოკუმენტაციის შესახებ ინფორმაცია, ასევე გაუზიარა წლების განმავლობაში აუდიტორად მუშაობისას დაგროვილი პრაქტიკული გამოცდილება.