26 ოქტომბერს, 13:00 საათზე, 515-ე აუდიტორიაში სტუდენტებისათვის გაიმართება დისკუსია თემაზე: „ძალადობა ქალთა მიმართ“. ღონისძიებას „საქართველოს საზოგადოებრივ საქმეთა ინსტიტუტი“ და “თავისუფალ ჟურნალისტთა სახლი” ევროკავშირის ფინანსური მხარდაჭერით პროექტის „ქალთა მიმართ ძალადობის მონიტორინგი“ ფარგლებში ჩაატარებს. დისკუსიას მოდერაციას გაუწევს “თავისუფალ ჟურნალისტთა სახლის“ თავმჯდომარე ასლან ჭანიძე.
ბათუმის შოთა რუსთაველის სახელმწიფო უნივერსიტეტში გრძელდება ინფრასტრუქტურული პროექტების განხორციელება.
18 ოქტომბერს, 12:00 საათზე, ქობულეთში, კაიკაციშვილის ქუჩაზე ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის ახალი, თანამედროვე სტანდარტების კვლევითი ცენტრის საძირკვლის ჩაყრის ცერემონია გაიმართება.
თუ ხარ შემოქმედებითი ნიჭით დაჯილდოებული, თუ გიყვარს ლიტერატურა - თბილისის სახელმწიფო უნივერსიტეტი და კომპანია „ჯეოსელი” გთავაზობთ სტუდენტურ ლიტერატურულ კონკურსს „შემოდგომის ლეგენდა“.
კონკურსი მეცხრედ ჩატარდება და მასში თბილისთან ერთად, საქართველოს სხვადასხვა რეგიონის უმაღლესი სასწავლებლის სტუდენტები ჩაერთვებიან. კონკურსში სამივე საგანმანათლებლო საფეხურის სტუდენტები მონაწილეობენ.
2017 წლის 5 ოქტომბერს, ბათუმის შოთა რუსთაველის სახელმწიფო უნივერსიტეტში, 13:30-ზე გაიმართება ლექცია-დისკუსია, თემაზე : „გენდერული უთანასწორობის კულტურული, ეკონომიკური და სოციალური ასპექტები". ლექცია-დისკუსიის ორგანიზატორია „სამოქალაქო აქტივიზმის კვლევის ცენტრი". მოხსენებას წაიკითხავს მკვლევარი სოციალურ მეცნიერებებში მაია ტაბიძე.
